Legatinik pissarsisut

2017

Martin Christiansen Romimi John Cabot Universitymi (Aningaasaqarnermut Inuiaqatigiinnillu ilisimatusarnermut Fakultetimi) semesterini marlunni ilinniarnissaminut legatinnappoq.

Sara Biilmann Egede New Zealandimi University of Otagomi semesterimi ataatsimi ilinniarnissaminut legatinnappoq. Tassani nittarsaassineq atuisullu pissusilersuutaat pingaarnerutillugit ilinniassaaq. Semesterimi ataatsimi ilinniarnera Roskilde Universitetimi Pilersaarusiukkamik attaveqaqatigiinnermut Master Degreeqalerniarneranut atatillugu isigineqassaaq.

Bettina Søgaard Malaysiami Swinburne University of Technologymi semesterimi ataatsimi ilinniarnissaminut legatinnappoq. Taanna Syddansk Universitetimi Diplomingeniørinngorniartuuvoq (Global Management and Manufacturing).


2016

Uiloq Mathæussenip legati Sydneymi Macquarie Universitymi Nunani tamalaani Attaveqaqatigiinneq pillugu Masterinngorniarnermut ilinniarnermut akiliutissanut Australiamilu najugaqarnermini aningaassartuutissaminut atorusuppaa. Ilinniagaq qaammatinik 18-inik sivisussuseqarpoq.

Hans Peder Kirkegaard legatinnappoq USA-mi ukiumi ataatsimi ilinniarnerminut atatillugu sungiusaatigalugu sulinissaminut Masterinngorniarnerminut atatillugu. Ilinniarnermut atatillugu sungiusaatialugu sulinissaq sullivinni sisamani avillugu ingerlanneqassaaq ukunani, Maine International Trade Centerimi, Rambøll-Environimi, Eimskipimi aamma  The Port of Mainemi.

Majken Djurhuus Poulsen ujarassiuujuvoq Ph.D-nngorniarnerminullu atatillugu legatinnappoq Londonimi Tuluit Nunaanni “The Gemmological Association of Great Britain” -mi atuarnissaminut atatillugu.

Melisa Larsen aasaru DTU-mi Arktisk Teknologimi bachelorinngussaaq. Legatinnappoq Minnisotami USA-,i “Master of Geographic Information Science” -mi ilinniaqqinnissaminut.

2015

Alex Amâsa Olsen, Danmarks Tekniske Universitetimi ingeniørinngorniarnerminut atatillugu, Australiami ilisimatusarfimmi University of Queenslandimi Brisbanemiittumi semesterimi ataatsimi ilinniarnissaminut legatimik tunineqarpoq.
Alex’-p sumiittariaqarsimanerminut nalunaarusiaa uani atuaruk (Nalunaarusiaq qallunaatuinnaavoq)

Ane Eva Lange, Danmarks Tekniske Universitetimi ingeniørinngorniarnerminut atatillugu, Norgemi teknikkikkut pinngortitarlu pillugu ilisimatuussutsikkut ilisimatusarfimmi Trondheimimiittumi semesterimi ataatsimi ilinniarnissaminut legatimik tunineqarpoq.

Anne Eileen Lennert Norgemi Issittumi pissutsit pillugit Ilisimatusarfimmi PhD-nngorniarluni ilinniarnerminut legatimik tunineqarpoq. Silap pissusiata allanngoriartornerata Kalaallit Nunaanni pinngortitamut piffissaq ungasinnerusoq eqqarsaatigalugu sunniutissai tassani misissuiffigissavai.

Inuuteq Storch New Yorkimi ICP-mi – International Center of Photographymi – assiliisartutut ilinniagaqarnissaminut legatimik tunineqarpoq.

Nick Bæk Heilmann Kinami Bejingimi Renmin Universitymi Kina nutaaliaasoq pillugu ilisimatusarluni kandidatinngorniarnissaminut legatimik tunineqarpoq.

Trine Jul Larsen Norgemi Issittumi pissutsit pillugit Ilisimatusarfimmi Tromsømiittumi Master of Public Healthinngorniarnissaminut legatimik tunineqarpoq.

Andrea Christiansen  legatinnappoq, Ilisimatusarfimmi tusagassiortunngorniarnerminut atatillugu semesteri ataaseq Canadami Vancouver Island Universitymi  ingerlanniassammagu.
Andrea’-p sumiittariaqarsimanerminut nalunaarusiaa uani atuaruk

Angùnguak Thomas Kleist Jepsen legatinnappoq Københavnip universitetiani ujarassiuumut ilinniarnerminut atatillugu Australiami Curtin Universitymi semestret pingasut ingerlanniassammagit.

Birthe Rasmussen Ilisimatusarfimmi peqqissaasumut ilinniarpoq. Legatimik pissarsivoq Mellemfolkeligt Samvirke aqqutigalugu Tanzaniami peqqissaasutut ilinniarnerminut atatillugu sungiusaatigalugu suliniassammat.
Birthe’-p sumiittariaqarsimanerminut nalunaarusiaa uani atuaruk (Nalunaarusiaq qallunaatuinnaavoq)

Hans Peder Kirkegaard legatinnappoq Nunarsuarmioqatigiit niueqatigiinnerat pillugu Masterimut  USA-mi University of South Carolinami Darla Moore School of Businessimi atuarniassammat.

Mikaela Augustussen peqqissaasutut naammassinikuuvoq aallartinnikuullugulu Ph.D-mut ilinniarnini Ilisimatuarfimmi qulequtaqartoq “Kalaallit Nunaanni Danmarkimilu kalaallinut nappaassuarmik kræftimik napparsimangaatsialereersunut nipaallisaalluni katsorsaaneq”. Tassunga atatillugu Tromsømi Norgep Arktiske Universitetiani atuarnissaminut legatimik pissarsivoq.
Mikaela’-p sumiittariaqarsimanerminut nalunaarusiaa uani atuaruk (Nalunaarusiaq qallunaatuinnaavoq)

Mona Koch Madsen Ilisimatusarfimmi peqqissaasumut ilinniarnikuuvoq. Sverige Stockholmimi Karolinska Institutimi intensivsygeplejerskimut ilinniaqqinnissaminut legatimik pissarsivoq.
Mona’-p sumiittariaqarsimanerminut nalunaarusiaa uani atuaruk (Nalunaarusiaq qallunaatuinnaavoq)

Uiloq Mathæussen Ilisimartusarfimmi Oqaatsinut, Atuakkialerinermut aamma tusagassiutinut bacheloriuvoq. Ilinniaqqinnerminut atatillugu Frankrigimi Université De Versailles St. Quentin En Yvelinesimi semesteri ataaseq atuassavaa tassunga atatillugu legatimik pissarsivoq.

2014

Kathrine Naaja Rasmussen Københavns Universitetimi nakorsanngorniarnerminut atatillugu Bergenimi (Norge) Universitetshospitalimi sungiusaatigalugu sulinissaminut legatimik tunineqarpoq.
Kathrine’-p sumiittariaqarsimanerminut nalunaarusiaa uani atuaruk (Nalunaarusiaq qallunaatuinnaavoq)

Qivioq Kern Kreutzmann Danmarkimi suliffeqarfinnik aallartisaasut pillugit aaqqissuussinermut “Iværksættere i udlandet” peqataasussatut toqqagaanerminut atatillugu San Franciscomi sungiusaatigalugu sulinissaminut legatimik tunineqarpoq.

Anna Sørensen
Københavns Universitetimi Institut for Medier, Erkendelse og Formidlingimi ilinniarnerminut atatillugu nunat tamalaat suliniaqatigiiffianni assigisaaniluunniit inaarutaasumik sungiusaatigalugu sulinissaminut legatimik tunineqarpoq.

Aviâja Egede Lynge legatinik pissarsivoq ilinniarnini  “Human Rights Advocates Program”  Institute for the Study of Human Rightsimi, Columbia Universitymi  New Yorkimi  USA-miittumi naammassiniassammagu.
Aviâja’-p sumiittariaqarsimanerminut nalunaarusiaa uani atuaruk (Nalunaarusiaq qallunaatuinnaavoq)
Aviâja’-p sumiittariaqarsimanerminut nalunaarusiaa uani atuaruk (Nalunaarusiaq tuluttuuinnaavoq)

Qupanuk Egede legatimik pissarsivoq Curtin Universitymi Kalgoorliemi Australiamiittumi aatsitassarsiornermut ilinniaqqinnini naammassiniassammagu.
Qupanuk’-p sumiittariaqarsimanerminut nalunaarusiaa uani atuaruk (Nalunaarusiaq tuluttuuinnaavoq)

Monika Paulli Andersen legatimik pissarsivoq, Macguarie Universitmi Sydneymi Australiamiittumi ilinniarnissaminnut. Copenhagen Business Schoolimi  Master of Business and Develoment Studiesimut atuarnerminut atatillugu ilinniakkap agguarnerani immikkoortoq ataaseq tasamani atuassavaa.
Monika’-p sumiittariaqarsimanerminut nalunaarusiaa uani atuaruk (Nalunaarusiaq tuluttuuinnaavoq)