Qinnuteqarneq

Una tooruk qinnuteqarniarluni immersugassaq aaniarukku (Word)

Una tooruk qinnuteqarniarluni immersugassaq aaniarukku (PDF)

Qinnuteqarnissamut periarfissavoq kingusinnerpaamik ulloq 15. februar 2018, tunniussinerlu piumaarpoq legatinik pissarsisussat ilinniarnerminnik imaluunniit ilinniarnerminnut atatillugu sungiusaatigalugu sulilernissaat ulloq 1. august 2018-mi aallartissinnaanngorlugit.

Legatimik qinnuteqassaguit kalaallinut inuiqatigiinnut attuumassuteqassaatit. Tassa imaappoq, piumasaqaatit marluk uku naammassisimasariaqarpatit:

1. Ukiut qulit kingulliit ingerlanerini sivikinnerpaamik ukiuni tallimani Kalaallit Nunaanni najugaqarsimassaatit
2. Kalaallit Nunaanni ilinniarnersiutisiaqarsinnaatitaassaatit. (Aningaasaateqarfik Ivalo & Minik –p nalunngilaa kalaallit Danmarkimi ilinniartut SU-sisartut. Kalaallit Danmarkimi ilinniartut soorunami aamma legatimik qinnuteqarsinnaapput. Taamaallaat piumasaqaataavoq Danmarkimi kalaallit ilinniagaqarnersiutaannik pisinnaatitaanissaq, malittarisassat 1. januar 2013 atuuttut naapertorlugit).

Nunani allani ilinniaqqinnissannut atatillugu tapiiffigeqqullutit qinnuteqassaatit imaluunniit nunani allani piginnaanngorsaqqinnissannut ilanngullugu nunani allani kaffuffinni, sullivinni assigisaaniluunniit ilinniarninnut atatillugu sungiusaatigalugu sulissaguit.

Legatimik qinnuteqassaguit pisariaqanngilaq ilinnialernissannut tigusaasimanissat imaluunniit ilinniarninnut atatillugu sungiusaatigalugu suliffissarsisimanissat. Aningaasaateqarfilli Ivalo & Minik aatsaat legatimik tunniussissaaq, ilinniarfissamiit ilinniarnermulluunniit atatillugu sungiusaatigalugu suliffissamiit Letter of intend imaluunniit alla uppernarsaat tiguneqareerpat.
Legatimik qinnuteqarniaruit qinnuteqarnermi immersugassaq immersussavat ilanngussallu makku ilanngullugit:

  • Missingersuut tamakkiisoq
  • Ilinniarfigisavit imaluunniit sullivippit akuersilluni oqaaseqaataa
  • Kajumilluni qinnuteqaat, tassani nassuiassavat, sooq ilinniakkat qinersimanerlugu imaluunniit sooq ilinniarnermut atatillugu sungiusaatigalugu sullivissaq qinersimanerlugu. Taanna tuluttut allanneqassaaq.

Qinnuteqarnissamut atatillugu apeqqutissaqaruit mailersinnaavutit uunga: ivalo&minik@fonden.gl.

Qinnuteqaat ilanngussallu mailikkut nassiunneqassapput uunga: ivalo&minik@fonden.gl