Aningaasaateqarfik Ivalo & Minik soqutiginnittunut qinnuteqarsinnaatitaasunullu kaammattuivoq legatiutitta arlaannut qinnuteqaqqusilluni.

Qinnuteqarnissamut periarfissavoq kingusinnerpaamik ulloq 1. oktober 2015, tunniussinerlu piumaarpoq legatinik pissarsisussat ilinniarnerminnik imaluunniit ilinniarnerminnut atatillugu sungiusaatigalugu sulilernissaat ulloq 1. januar 2016-mi aallartissinnaanngorlugit.

Legatiutitsinnut siunertaavoq Kalaallit Nunaata Danmarkillu avataani iliniaqqikkusuttunut kalaallinut imaluunniit ilinniarnerminnut atatillugu sungiusaatigalugu Kalaallit Nunaata Danmarkillu avataani sulerusuttunut kalaallinut aningaasatigut tapiisarnissaq.

Qinnuteqarnermi immersugassaq aamma piumasaqaatit allat nittartakkatsinni www.imf.gl-mi takuneqarsinnaapput.

Apeqqutissaqaruit saaffigissavat ivalo&minik@fonden.gl

Aningaasaateqarfik Ivalo & Minik tapiissutisisarpoq NunaFondenimit, Grønlandsbankip Inuussutissarsiornermut Aningaasaateqarfianit, Royal Greenland A/S-mit aamma Royal Arctic Line A/S-mit.

Aningaasaateqarfiup Ivalo & Minik Fondenip siulersuisui marsip 20-ani ataatsimiinnerminni aalajangerput legatinik arfinilinnik agguaassiniarlutik. Agguaanneqartut katillugit 399.000 koruuninik aningaasartaqarput.

“Aningaasat agguaassagut NunaFondenimit, Royal Greenlandimit, Royal Arctic Linemit GrønlandsBANKENillu Inuussutissarsiornermut aningaasaateqarfianit tunissutaapput, taamaammat inuusuttunik angusaqarluarniartunik tapersersuisinnaanitsinnut taakku pisooqataalluinnarput. Tamatumunngalu qujassuteqarfigerusuppakka,” Minik Rosing, Ivalo & Minik Fondenimi siulersuisunut siulittaasoq taama oqarpoq, imalu nangippoq:

“Legatinnattut pissarsiffiulluartumik nunani allaniinnissaat, kingornalu Nunatsinnut uterumaarnissaat aammalu ilisimasanik pissarsiarisaminnik atuilluarnissaat neriuutigaara.”

Legatinnattut
Alex Amâsa Olsen, Danmarks Tekniske Universitetimi ingeniørinngorniarnerminut atatillugu, Australiami ilisimatusarfimmi University of Queenslandimi Brisbanemiittumi semesterimi ataatsimi ilinniarnissaminut legatimik tunineqarpoq.

Ane Eva Lange, Danmarks Tekniske Universitetimi ingeniørinngorniarnerminut atatillugu, Norgemi teknikkikkut pinngortitarlu pillugu ilisimatuussutsikkut ilisimatusarfimmi Trondheimimiittumi semesterimi ataatsimi ilinniarnissaminut legatimik tunineqarpoq.

Anne Eileen Lennert Norgemi Issittumi pissutsit pillugit Ilisimatusarfimmi PhD-nngorniarluni ilinniarnerminut legatimik tunineqarpoq. Silap pissusiata allanngoriartornerata Kalaallit Nunaanni pinngortitamut piffissaq ungasinnerusoq eqqarsaatigalugu sunniutissai tassani misissuiffigissavai.

Inuuteq Storch New Yorkimi ICP-mi – International Center of Photographymi – assiliisartutut ilinniagaqarnissaminut legatimik tunineqarpoq.

Nick Bæk Heilmann Kinami Bejingimi Renmin Universitymi Kina nutaaliaasoq pillugu ilisimatusarluni kandidatinngorniarnissaminut legatimik tunineqarpoq.

Trine Jul Larsen Norgemi Issittumi pissutsit pillugit Ilisimatusarfimmi Tromsømiittumi Master of Public Healthinngorniarnissaminut legatimik tunineqarpoq.

Ivalo & Minik Fondenip legatinik agguaassisarnini soorunami ingerlatiinnassavaa. Tulliani qinnuteqarnissamut killigititaq tassaavoq oktobarip aallaqqaataa 2015, siulersuisullu qinnuteqaatinik pitsaasunik amerlasuunik pissarsinissartik qilanaarivaat.

Aningaasaateqarfik Ivalo & Minik soqutiginnittunut qinnuteqarsinnaatitaasunullu kaammattuivoq legatiutitta arlaannut qinnuteqaqqusilluni.

Legatiutitsinnut siunertaavoq Kalaallit Nunaata Danmarkillu avataani iliniaqqikkusuttunut kalaallinut imaluunniit ilinniarnerminnut atatillugu sungiusaatigalugu Kalaallit Nunaata Danmarkillu avataani sulerusuttunut kalaallinut aningaasatigut tapiisarnissaq.

Qinnuteqarnermi immersugassaq aamma piumasaqaatit allat nittartakkatsinni www.imf.gl takuneqarsinnaapput.

Qinnuteqaatit Aningaasaateqarfik Ivalo & Minik –p tigoreersimassavai kingusinnerpaamik ulloq 1. marts 2015.

Agguaaneq pissaaq, legatinik pissarsisut ilinniarnerminnik imaluuunniit ilinniarnerminnut atatillugu sungiusaatigalugu sulilernissartik 2015-mi ukiakkut semesterimi aallartissinnaanngorlugit.

Apeqqutissaqaruit saaffigissavat ivalo&minik@fonden.gl

Aningaasaateqarfik Ivalo & Minik tapiissutisisarpoq NunaFondenimit, Grønlandsbankip Inuussutissarsiornermut Aningaasaateqarfianit, Royal Greenland A/S-mit aamma Royal Arctic Line A/S-mit.

Aningaasaateqarfiup Ivalo & Minik Fondenip siulersuisui septembarip 12-iani ataatsimiinnerminni legatinik sisamanik agguaapput katillugit 100.000 koruunit sinnerlugit aningaasartalinnik, 2014-imi aningaasat agguaanneqartut taamaasillutik katillugit 450.000 koruunit missaanniilerput.

“Aningaasat agguaassagut NunaFondenimit, Royal Greenlandimit, Royal Arctic Linemit aamma GrønlandsBANKENip Inuussutissarsiornermut aningaasaateqarfianit tunissutaapput, taamaammat inuusuttunik angusaqarluarniartunik tapersersuisinnaanitsinnut taakku pisooqataalluinnarput. Tamatumunngalu qujassuteqarfigerusuppakka,” Minik Rosing, Ivalo & Minik Fondenimi siulersuisut siulittaasoq taama oqarpoq. Nangipporlu:

“Legatinnattut pissarsiffiulluartumik nunani allaniinnissaat, kingornalu Nunatsinnut uterumaarnissaat aammalu ilisimasanik pissarsiarisaminnik atuilluarnissaat neriuutigaa.”

Legatinik pissarsisut
Aviaaja Birkholm Professionshøjskolen Metropolimi ernisussiortutut ilinniarnerminut atatillugu Balimi ernisarfimmi sungiusaatigalugu sulinissaminut legatimik tunineqarpoq.

Kathrine Naaja Rasmussen Københavns Universitetimi nakorsanngorniarnerminut atatillugu Bergenimi (Norge) Universitetshospitalimi sungiusaatigalugu sulinissaminut legatimik tunineqarpoq.

Qivioq Kern Kreutzmann Danmarkimi suliffeqarfinnik aallartisaasut pillugit aaqqissuussinermut “Iværksættere i udlandet” peqataasussatut toqqagaanerminut atatillugu San Franciscomi sungiusaatigalugu sulinissaminut legatimik tunineqarpoq.

Anna Sørensen Københavns Universitetimi Institut for Medier, Erkendelse og Formidlingimi ilinniarnerminut atatillugu nunat tamalaat suliniaqatigiiffianni assigisaaniluunniit inaarutaasumik sungiusaatigalugu sulinissaminut legatimik tunineqarpoq.

Ivalo & Minik Fondenip legatinik agguaassisarnini soorunami ingerlatiinnassavaa. Tulliani qinnuteqarnissamut killigititaq tassaavoq marsip aallaqqaataa 2015, siulersuisullu qinnuteqaatinik pitsaasunik amerlasuunik pissarsinissartik qilanaarivaat.

Aningaasaateqarfimmut pingaarnertut tunissuteqartartut – NunaFonden, Royal Greenland, Royal Arctic Line aamma GrønlandsBANKENip Inuussutissarsiornermut Aningaasaateqarfiata 2017 ilanngullugu tapiissuteqartarnissaminnik sivitsuineranni, Ivalo & Minik Fondenimut atsiussat Kunngikkormiutut Ataqqinassusilik Prinsesse Josephine Sophia Ivalo Mathilda aamma Kunngikkormiutut Ataqqinassusilik Prins Vincent Frederik Minik Alexander, angajoqqaatik Kunngissakkut peqatigalugit najuupput.

Kunngikkormiut Nunatsinnut aasaanerani angalanerannut atatillugu Ilisimatusarfimmi aggustip arfineq-pingajuani ilassinninnermi tamanna pivoq.

Ilassinninnermi isumaqatigiissutinillu nutaanik atsioqatigiissuteqarnermi assilisat ataani takuneqarsinnaapput. Assiliisartup Leiff Josefsenip assit tamaasa assilisarai, akuersiteqqaarnagulu kopeeqqusaanngillat allanullu atatillugu atoqqusaanatik.

Kunngissakkut ilassinninnermut tikiupput

Ivalo & Minik Fondenimut isumaqatigiissutit 2017-ip tungaanut sivitsorneqarnissaannik pingaarnertut tunissuteqartartut piareersarneranni Prinsesse Josephine Sophia Ivalo Mathilda malinnaasoq. Saamiatungaanit talerpiatungaanut takuneqarsinnaapput Jens Andersen (Royal Arctic Linep pisortaanera), Eva Pryds (GrønlandsBANKENip Inuussutissarsiornermut Aningaasaateqarfiani allatsi), Malik Hegelund Olsen (Royal Greenlandimi pisortap tullia) aamma Olga Poulsen Berthelsen (NunaFondenip siulersuisuinut ilaasortaq)

Jens Andersen (Royal Arctic Linep pisortaanera), Eva Pryds (GrønlandsBANKENip Inuussutissarsiornermut Aningaasaateqarfiani allatsi), Malik Hegelund Olsen (Royal Greenlandimi pisortap tullia) aamma Olga Poulsen Berthelsen (NunaFondenip siulersuisuinut ilaasortaq) isumaqatigiissummik nutaamik atsioqatigiittut.

Saamiatungaanit talerpiatungaanut takuneqarsinnaapput Aviâja Egede Lynge (legatinnattoq), Eva Pryds, Jens Andersen, Kunngissaq Frederik, Prinsesse Ivalo, Kunngissap nulia Mary, Prins Minik, Olga Poulsen Berthelsen aamma Malik Hegelund Olsen.

Aningaasaateqarfik Ivalo & Minik soqutiginnittunut qinnuteqarsinnaatitaasunullu kaammattuivoq legatiutitta arlaannut qinnuteqaqqusilluni.

Qinnuteqarnissamut periarfissavoq kingusinnerpaamik ulloq 1. september 2014, tunniussinerlu piumaarpoq legatinik pissarsisussat ilinniarnerminnik imaluunniit ilinniarnerminnut atatillugu sungiusaatigalugu sulilernissaat ulloq 1. januar 2015-mi aallartissinnaanngorlugit.

Legatiutitsinnut siunertaavoq Kalaallit Nunaata Danmarkillu avataani iliniaqqikkusuttunut kalaallinut imaluunniit ilinniarnerminnut atatillugu sungiusaatigalugu Kalaallit Nunaata Danmarkillu avataani sulerusuttunut kalaallinut aningaasatigut tapiisarnissaq.

Qinnuteqarnermi immersugassaq aamma piumasaqaatit allat nittartakkatsinni www.imf.gl-mi takuneqarsinnaapput.

Apeqqutissaqaruit saaffigissavat ivalo&minik@fonden.gl

Aningaasaateqarfik Ivalo & Minik tapiissutisisarpoq NunaFondenimit, Grønlandsbankip Inuussutissarsiornermut Aningaasaateqarfianit, Royal Greenland A/S-mit aamma Royal Arctic Line A/S-mit.

Aningaasaateqarfik Ivalo & Minik-p siulersuisui aalajangerput legatinik agguaassiniarlutik 300.000 koruunit sinnilaarlugit aningaasartalinnik. Legatit kalaallinut pingasunut pikkorissunut angusaqarusussuseqartunullu tunniunneqarput, taakku toqqarneqarput qinnuteqartorpaalussuit akornanni.

“Nuannaarutigeqaarput legatinik pissarsisut tapersersorsinnaagatsigit aamma ilinniarnerminni ingerlalluarnissaannut tamanik ajunngitsunik kissaappagut”, oqarpoq Minik Rosing Aningaasaateqarfiup Ivalo & Minik-p siulersuisuini siulittaasuusoq. Taanna nangippoq:

“Piffissaq iluatsillugu NunaFonden, Royal Greenland, Royal Arctic Line aamma Grønlandsbankip Inuussutissarsiornermut Aningaasaateqarfia qutsavigerusuppakka, taakkumi aningaasaliissuteqarnerisigut legatinik tunniussaqarsinnaanngornikuuvugut.”

Legatinik pissarsisut
Aviâja Egede Lynge legatinik pissarsivoq ilinniarnini  “Human Rights Advocates Program”  Institute for the Study of Human Rightsimi, Columbia Universitymi  New Yorkimi  USA-miittumi naammassiniassammagu.

Qupanuk Egede legatimik pissarsivoq Curtin Universitymi Kalgoorliemi Australiamiittumi aatsitassarsiornermut ilinniaqqinnini naammassiniassammagu.

Monika Paulli Andersen legatimik pissarsivoq, Macguarie Universitmi Sydneymi Australiamiittumi ilinniarnissaminnut. Copenhagen Business Schoolimi  Master of Business and Develoment Studiesimut atuarnerminut atatillugu ilinniakkap agguarnerani immikkoortoq ataaseq tasamani atuassavaa.

Aningaasaateqarfiup Ivalo & Minik-p naatsorsuutigaa tulliani 2014-mi majimi qinnuteqartitseqqissalluni ulloq 1. Septemberip tungaanut.

Inussiarnersumik inuulluaqqusillunga

Ivalo & Minik Fonden
www.imf.gl

Nunani allani universitetini ilinniarnissat ornigaajuk? Imaluunniit nunarsuarmiunik sullissisumi nunani allani suliffimmi ilinniarninnut atatillugu sungiusaatigalugu sulinissat ornigaajuk? Taamaassimappat immaqa Aningaasaaateqarfimmut Ivalo & Minik-mut qinnuteqarnissat soqutigissaqqooqaat.

Aningaasaateqarfik Ivalo & Minik kalaallit ilinniarnermut aningaasaateqarfiutigaat, atserneqarnikuusoq kunngikkormiut marlulissat atsiullugit; Kunngikkormiutut ataqqinassusilik Prins Vincent Frederik Minik Alexander aamma kunngikkormiutut ataqqinassusilik Prinsesse Josephine Sopfhia Ivalo Mathilda.

Aningaasaateqarfik pilersinneqarpoq NunaFondenimit 2012-mi, aningaasaateqarfillu maannakkut piareerpoq kalaallinut Kalaallit Nunaata Danmarkillu avataani ilinniaqqikkusuttunut imaluunniit piginnaanngorsaqqikkusuttunut aningaasaliinissaminut aamma ilinniartunut ilinniarnermut atatillugu sungiusaatigalugu nunani allani sulerusuttunut

”Qilanaaqaanga qinnuteqaatinik takkuttussanik nalilersuinissannut” taama oqarpoq Minik Rosing, Aningaasaareqarfik Ivalo & Minik-mi siulersuisunut siulittaasuusoq nangillunilu:

”Neriuppunga upperalugulu piukkunnartunik tunngavilersorluakkanillu qinnuteqaaterpassuarnik tigusiumaarluta”,.

Suna tamaat eqqarsaatigiuk
Kingusinnerpaamik qinnuteqartoqassaaq ulloq 15. februar 2014 aamma legatit tunniunneqassapput periarfissaqartitsilluni ilinniarneq imaluunniit ilinniarnermut atatillugu sungiusaatigalugu sulineq 2014-mi ukiakkut semesteri aallartippat.

”Pingaaruteqarpoq qinnuteqarnermi tamakkiisumik eqqarsarnissaq. Ilaatigummi naammanneq ajorpoq nunani allani universitetimi atuarnissamut akitsuutip akilernissaannaa qinnutigissagaanni. Aamma angalanermut aningaasartuutit eqqarsaatigisariaqarput, ineqarnermut aningaasartuutit, inuussutissat assigisaallu, taamaattumik pingaaruteqarpoq suut tamaasa eqqarsaatiginissaat, qinnuteqalernermi” erseqqissaavoq Minik Rosing.

Qinnuteqarnermut atatillugu immersugassaq allallu piumasaqaatit Aningaasaateqarfiup Ivalo & Minik-up nittartagaani, www.imf.gl-mi nassaarineqarsinnaapput.

Aningaasaateqarfik Ivalo & Minik manna tikillugu aningaasaliissutinik Royal Arctic Line A/S-miit, Royal Greenland A/S-miit, GrønlandsBankip Inuutissarsiornermut Aningaasaateqarfianit kiisalu NunaFondenimit aningaasaliiffigineqarnikuuvoq.

Aningaasaateqarfik Ivalo & Minik soqutiginnittunut qinnuteqarsinnaatitaasunullu kaammattuivoq legatiutitta arlaannut qinnuteqaqqusilluni.

Legatiutitsinnut siunertaavoq Kalaallit Nunaata Danmarkillu avataani iliniaqqikkusuttunut kalaallinut imaluunniit ilinniarnerminnut atatillugu sungiusaatigalugu Kalaallit Nunaata Danmarkillu avataani sulerusuttunut kalaallinut aningaasatigut tapiisarnissaq.

Qinnuteqarnermi immersugassaq aamma piumasaqaatit allat nittartakkatsinni www.imf.gl takuneqarsinnaapput.

Qinnuteqaatit Aningaasaateqarfik Ivalo & Minik –p tigoreersimassavai kingusinnerpaamik ulloq 15. februar 2014.

Agguaaneq pissaaq, legatinik pissarsisut ilinniarnerminnik imaluuunniit ilinniarnerminnut atatillugu sungiusaatigalugu sulilernissartik 2014-mi ukiakkut semesterimi aallartissinnaanngorlugit.

Apeqqutissaqaruit saaffigissavat ivalo&minik@fonden.gl