Ivalo & Minik Fonden legatinik sisamanik agguaasseqqammerpoq katillugit 200.000 koruuninik nalilinnik. Legatinik taakkuninnga sisamanik pisut qaammatit tulliuttut ingerlaneranni ilisimasatik piginnaasatillu qaffassassavaat Australiamut, Schweiz aamma Norge-mut angalanermikkut.

Ivalo & Minik Fonden-ip siulersuisuinut siulittaasup, Minik Rosing-ip, nuannaarutigaa, aningaasaateqarfik aammaarluni periarfissinneqarmat kalaallinut inuusuttunut nunani allani angusaqarluarusullutik ilinniagaqarnissaannut tapiisinnaanerminnik.

”Nuannersorujussuusarpoq takullugu, qanoq legatinik tunisatta piffinni nutaani pikkorissarnissamut periarfissatik tigulluartartigigaat. Angerlamut utertarput misilittagaqarlutik allatullu isiginnittaaseqalerlutik, imminnut uagullu inuiaqatigiitsinnut nukittorsaataasumik. Ilisimasanut, sapiissusermut aammalu siunissamut aningaasaliineruvoq,” oqarpoq.

Aningaasaateqarfiup nunarsuarmut kalaallinik inuusuttunik angalatitseqqissinnaalerneranut peqqutaavoq, Royal Arctic Line, NunaFonden aamma GrønlandsBANKEN-ip inuussutissarsiornermut aningaasaateqarfiata tapiissuteqartuarnerat. Taakku pimoorussinerisa periarfissaqalersippaa ilinniartunut aningaasatigut tapersiinissaq ilinniakkamut takorluukkaminnut ujarlerneranni.

”Assorujussuaq qujamasuutigaagut tapiissutit, tigusimasagut. Legatinik pisunut ataasiakkaanut tunniussinerinnaanngilaq, aammali inuiaqatigiit tamarmiusut siunissami ineriartornissaannut tapertaalluni,” erseqqissaavoq Minik Rosing.

Ivalo & Minik Fonden ukiumut marloriarluni kalaallinut nunani allani ilinniariartorniarlutik pilersaaruteqartunut legatinik agguaasarpoq. Qinnuteqarfissaq tulleq killeqarpoq ulloq 15. februar 2026, siulersuisullu kalaallit ilinniagaqarusuttut tamaasa kajumissaarpai qinnuteqaatiminnik nassiusseqqullugit.

Ukiaq manna aningaasanik tunineqartut

Ida Holm legatimik tunineqarpoq marinebiologi-mik ilinniagaqarnissaminut The University of Queensland i Brisbane Australiamiittumi.

Malu Bech legatimik tunineqarpoq semesteri ataaseq RMTI University of Melborn Australiami maannakkut Århus-imi DMIX ilinniagaqalernerminut atasumik.

Naja-Theresia Høegh legatimik tunineqarpoq semesteri ataaseq Universitetet i Luzern Schweiz-imi Københavns Universitet-imi inatsisilerinermut Master-inngorniarnerminut atasumik.

Camilla Bagger legatimik tunineqarpoq Master of Science i Leadership and Organisational Psychology på BI Norwegian Business School I Norge-mi ilinniarnissaminut.

Ivalo & Minik Fonden kingullermik siulersuisuisa ataatsimiinnerminni aningaasat tunniussassat pingasut katillugit 200.000 koruunit ataatilaarlugit pingasunut agguaanneqassasut aalajangerput. Aningaasanik tunineqartussaat taakku pingasut Schweiz, Belgien aamma USA-mi ilisimasaminnik piginnaasaminnillu qaffassarnissaminnut atugassaraat.

Ivalo & Minik Fonden-ip siulersuisuini siulittaasup, Minik Rosing-ip nuannaarutigaa, aningaasaateqarfik aammaarluni periarfissaqarsimammat kalaallinut inuusuttunut nunani allani ilinniarnissaminnut sinnattuannut tapersiisinnaanertik:

”Aningaasanik agguaanerit tamaasa, inuusuttunik annertuumik maligassiuerusuttunut ilinniarusussuseqartunullu tapersersuisarpugut. Aallartarput ilinniagaqarusussuseqarlutik annertuumillu tunniusimallutik angerlamullu utertarlutik nutaanik ilisimasaqalersimallutik, nutaanik isiginnittaaseqalersimallutik aammalu sakkortuumik piumassuseqalersimallutik inuiaqatigiinnut tapertaanissamut. Malinnaaffigalugillu attortinnarlutillu iguartinnarlutik,” oqarpoq.

Tunisiumatooqarmat tamanna perirfissinneqarpoq
Aningaasaateqarfiup ilinniariarluni angalanernut taakkununnga tapersiisinnaaneranut pissutaavoq Royal Greenland, Royal Arctic Line, NunaFonden aamma GrønlandsBANKENs Erhvervsfond aningaasaliilluarsimanerat. Taakku tapersiinerat aningaasaateqarfiup sulineranut apeqqutaalluinnartarput.

”Qujamassuttorujussuuvugut suleqatigiinnermik tatiginninnermillu, aningaasaliisaartutta ukiut tamaasa takutitsiuartarmata. Tapersersuinerat inummut ataatsimut aningaasanik tunniussinertut taaneqaannarani – nunatsinnut tamarmut aningaasaliinertut isigineqartariaqarpoq,” Minik Rosing oqarpoq.

Ivalo & Minik Fonden ukiumut marloriarluni aningaasanik agguaassisarpoq. Qinnuteqaatinut killigititaq tulleq tassaavoq 1. oktober 2025, aningaasaateqarfiullu kalaallit ilinniarusussusillit nunani allani ilinniarnissaminnik pilersaarutillit tamaasa kajumissaarpai qinnuteqaammik nassiusseqqullugit.

Upernaanerani aningaasanit pissarsisut
Hans Peder Kirkegaard aingaasanik pissarsivoq PhD-liornissaminut Ilisimatusarfimmi Illersornissamut- isumannaallisaanermullu Issittumi politikki ilinniakkaminut atasumik Belfer Center Arctic Initiative at the Harvard Kennedy School USA-mi ilinniarnissaminut.

Kivioq Kreutzmann Geneve Schweiz-imi Universitetimi semesteri ataaseq atuarnissaminut aningaasanik tunineqarpoq Film og Medievidenskab Københavns Universitetimi ilinniarnerminut atasumik ilinniariartornissaminut.

Rosalia Stenbakken Gent-imi Belgiami semesteri ataaseq Århus Universitetimi politologi-mi Masterinngorniarnerminut atasumik atuarnissaminut aningaasaliiffigineqarpoq.

Kalaallit tallimat tunniusimasut Ivalo & Minik Fonden-imit aningaasanik peqqammerput nunanilu allani pikkorissarnissaminnut sinnattorisimasartik aallartissinnaanngorlugu. Agguaasani 220.000 koruuningajanni ilinniagaqartut tallimat maannakkut angalasussanngorput Canada-mut, Japan-imut, USA-mut Norge-mullu.

Siulersuisuni sulittaasup Minik Rosing-ip nuannaarutigaa, Ivalo & Minik Fonden-ip siulersuisui aammaarlutik periarfissaqarsimammata ilinniagaqartunik tapersersuinissaminnut ilinniagassatut sinnattorisimasaanik angusaqarsinnaanngorlugit.

”Agguaanerit tamarmik eqqaasittarpaatigut, taakku kalaallit inuusuttut qanoq tunniusimatigalutillu sapiittartigisut, nunarsuarmut angalaniarnerminni. Tupinnaannartumik pimoorussinermik piumassusermillu takutitsisarput angerlarnissaminnut inuiaqatigiinnut nukittorsaaniarlutik ilisimasat nutaat isiginnittaatsillu nutaarluinnaat pigalugit,” oqarpoq.

Pissutasoq, ilinniartut nunarsuarmut nassiussinnaanerata periarfissaqarneranut tassaavoq, ukiumoortumik Ivalo & Minik Fonden-imiit, Royal Greenland-imiit, Royal Arctic Line-imiit, NunaFonden-imiit GrønlandsBANKEN-illu inuussutissarsiornermut aningaasaateqarfianiit ukiumoortumik aningaasaliisarnerat. Tunniusimajuarneri pissutaalluinnarpoq, Ivalo & Minik Fonden aammaarluni kalaallit ilinniagaqartut nutaanik angusaqarnissaannut ikiorsiineranut.

”Aningaasaliisartugut aalajaatsup pigitinnagit taama amerlatigisut ikiornissaannut periarfissaqassanngikkaluarpugut. Aningaasaliissutaat ilinniartunut aningaasatigut tapiissutaannaanngilaq – Kalaallillu Nunaata siunissaanut aamma tapiissutaalluni,” Minik Rosing oqarpoq.

Ivalo & Minik Fonden siulersuisui ukiumut marloriarlutik naapittarput qinnuteqartunut Kalaallit Nunaata avataani ilinniagaqarusuttunut aammalu Danmarkimut aningaasaliiffigissallugit.

Tulliani qinnuteqarnissamut killigititaq tassaavoq ulloq 15. februar 2025, aningaasaateqarfillu neriupput kalaallinit ilinniagaqarusuttorpassuarnik piginnaasaqarluartunik qinnuteqaatinik tigusaqarumaarlutik.

Ivalo & Minik Fonden legatinik agguaasseqqippoq. Legatinik tunineqartut sisamat katillutik 270.000 koruunit sinnilaarlugit pissarsipput. Taakkulu saniatigut Ivalo & Minik Fonden nutaamik siulersuisortaarpoq pingasunik nutaanik ilaasortaqalersumik. Minik Rosing ukiuni tulliuttuni sisamani siulittaasutut ingerlaqqippoq.

NunaFonden, Royal Greenland, Royal Arctic Line aamma GrønlandsBANKENs Erhvervsfond aningaasaliilluarnerisa pissutigaat, Ivalo & Minik Fonden kalaallinut ilinniartunut pikkorissunut sisamanut legatinik agguaasinnaasimanera.

”Nuannaartuaannarpugut maani Kalaallit Nunaanni ilinniarsimassutsimut- piginnaasaqarnermut qaffassaaqataasinnaagaangatta. Neriuppunga, legatinik tunineqartut aamma massakkut ilinniarnerminni ingerlalluarlutillu pissarsilluarumaartut” Ivalo & Minik Fonden siulersuisuini siulittaasoq Minik Rosing oqarpoq.

Legatinik sisamanik agguaassineq siulersuisuusimasut kingullertut suliaraat. Ukiut sisamakkaarlugit siulersuisunik nutaanik toqqaasoqartarpoq. Taassumalu kinguneraa, ukiuni tulliuttuni sisamani siulersuisut ukuussasut:

Siulittaasoq Minik Rosing (Ilisimatusarfimmit toqqarneqartoq)
Siulittaasup tullia Janus Kleist (Ilinniartitaanermut qullersaqarfimmit toqqarneqartoq)
Paarnannguaq Mathiassen (NunaFonden-imit toqqarneqartoq)
Jens Napãtôk’ (NunaFonden-imit toqqarneqartoq)
Christian Schønau (Det kongelige Danske Hof-imit toqqarneqartoq)

Siulittaasup siulersuisuni ilaasortaasimasut annertuumik qujassuteqarfigai ukuusut  Dorthe Bidstrup, Juliane Henningsen aamma Johan Lund Olsen siulersuisuusimasuni ataqqinartumik suleqataasimanerannut.

Ivalo & Minik Fondensiulersuisui legatinik agguaassallutik ukiumut marloriarlutik naapittarput, siulersuisullu nutaat neriupput tulliani agguasseqqinnissamut, 1. oktober 2024 qinnuteqarfigineqartussatut killilimmut, tunngavilersorluakkanik amerlasuunik qinnuteqaatinik tigusiumaarlutik.

Upernaanerani legatinik pissarsisut
Edna Lyberth semesterimi ataatsimi University of California Santa Cruz, USA-mi ilinniarnissaminut legatimik tunineqarpoq, DTU-mi fiskeriteknologi-mi ilinniakkaminut atasumik.

Varna Marianne Nielsen Arts-imi Masterinngorniarluni Reykjavik, Island-imi ilinniakkami nanginnissaanut legatinik tunineqarpoq.

Sanne Broberg ”Inddigenous sustainable cultural development within therapeutic treatmens for Greenlandic Inuit” PhD-nngorniarluni ilinniakkaminut atasumik SHOEW & Whariki Research Centre, College of Massey University Auckland New Zealandimi ilisimatusarnissaminut legatimik tunineqarpoq.

Casper Eliassen Universitetimi, HAL Tokyo, Japanimi IT-ilinniarnerminut legatimik tunineqarpoq.

Ivalo & Minik Fonden-imiit aningaasanik agguaasisoqaqqippoq. Katillugit aningaasanik tunineqartut arfineq-marluk 300.000 koruunik sinnilaarlugit pissarsisimapput

Royal Greenland. Royal Arctic Line. NunaFonden. GrønlandsBANKENs Erhvervsfond. Taakkuninnga suliffeqarfinnit aningaasaliinerit tunngavigaat, Ivalo & Minik Fonden-ip kalaallinut nunanut allanut ilinniariarusuttunut aningaasaleeqqissinnaasimanera

”Malugaarput, aningaasanik agguaassinerit siorni tamaasa qinnuteqaatinik pitsaalluinnartunik tigusisalernerput, tamannalu nuannaarutigaarput. Nuannerpoq taama amerlatigisut pilerigilluinnakkaminnik ilinniagarerusutartik Kalaallit Nunaanni Danmarkimilu nalunngilluinnagartik toqqissisimaffitsillu qimallugit pikkorissarusulernerat,” Minik Rosing oqarpoq, Ivalo & Minik Fondemi siulersuisunut siulittaasuusoq. Nangipporlu: ”Maannakkut kalaallinut, ilinniagaqarusuttunut Hollandimi, Tuluit Nunaanni aamma Australiami aningaasanik agguaavugut. Neriuppugut, tamarmik annertuumik ilikkagaqassasut Kalaallit Nunaannullu uterlutik piginnaasatik atussagaat.”

Ivalo & Minik Fond-ip siulersuisui ukiumut marloriarlutik aningaasanik agguaassinissamut naapittarput, Minik Rosing-ilu neriuppoq, siulersuisut tulliani agguaanissamut amerlasuunik pitsaasunillu qinnuteqaatinik tigusissallutik, qinnuteqarnissamut killigititaq 15. februar 2024.

Ukiaanerani aningaasaliiffigineqartut
Victor Langholz aningaasaliiffigineqarpoq ilinniagaqarnissaminut Master of Science i International Business  HULT International Business School i London, Tuluit Nunaanni.

Sigrid Christiansen aningaasaliiffigineqarpoq Sverige-mi Leksand Folkhögskola-mi atuakkanik atuakkanik ungalulersuisutut ilinniaqqinnissaminut.

Najârak Demant-Poort Ilisimatusarfimmi Phd-nngorniarnerminut atasumik ukikup affaa ilinniarnissaminut/ilisimatusarnissaminut Oslo-mi Institutt for Samfunnsforskning aningaasaliiffigineqarpoq.

Najannguaq Berthelsen Islandimi gletsjerguide-itut ilinniaqqinnissaminut aningaasaliiffigineqarpoq.

Edna Lyberth aningaasaliiffigineqarpoq semesteri ataaseq Perth-imi University of Western Australia DTU-mi fiskeriteknolog-imut ilinniarnermik.

Annika Christiansen aningaasaliiffigineqarpoq semesterimi ataatsimi Australiami University of the Sunshine Coast Københavns Professionshøjskolemi Natural & Cultural heritage ilinniarnerminut atasumik ilinniariarnissaminut.

Amaasa Olsen aningaasaliiffigineqarpoq Sociologimi Masteritut Hollandimi University of Amsterdam  ilinniarnissaminut.

Ivalo & Minik Fonden-ip siulersuisui kingullermik ataatsimiinnerminni ilinniartunut tallimanut aningaasanik 250.000 koruuninik agguaassipput

Ivalo & Minik Fonden pilersinneqarput kalaallinut ilinniartunut, nunani allani pikkorissarusuttunut aningaasaliisartussatut. Upernaanerani siulersuisut ataatsimeeqqammerput, ilinniartunullu tallimanut aningaasanik agguaassisoqarpoq, Norge-mi, Malta-mi, USA-mi Tuluit Nunaanni Island-imilu ilinniarnissaminnut kissaateqartunut.

Siulersuisunut siulittaasoq Minik Rosing oqarpoq:

”Nuannertuaannarpoq qulakkeeqataaffigissallugu, inuit angusaqarusussusillit sinnattuinik piviusunngortitseqataaneq. Neriullungalu kissaatigaara, aningaasanik tunineqartut pitsaanerpaamik ilinniarfissaminni ingerlajumaartut.”

Ivalo & Minik Fonden aningaasanik agguaassisinnaaneranut tunngaveqarpoq Royal Greenland, Royal Arctic Line, GrønlandsBANKEN`s Erhvervsdfond aamma NunaFonden pitsaasunik aningaasaliisimammata.

Ivalo & Minik Fonden aningaasanik agguaasseqqissaaq ukiaru 2023. Qinnuteqarnissamut killigitinneqarpoq 1. oktober 2023.

Upernaanerani aningaasanik taperneqartut
Camilla Guldager Ilisimatusarfimmi erhvervsøkonomi-mi ilinniarnermini University of Malta-mi semesteri ataaseq ilinniarnissaminut taperneqarpoq.

Camilla Kleemann-Andersen Ilisimatuarfimmi PhD-ilinniarnerminut atasumik USA-mi the Linguistics and Anthropology Departments at the University of Chicago-mi ilinniarnissaminut taperneqarpoq.

Malou Platou Johansen Arktisk mariebiologi-mut Master-inngorniarnerminut Norgemi Arktiske Universitet-imi Tromsø-mi ilinniarnissaminut taperneqarpoq.

Miyuki Daorana Århus Universitet-imi antropologi-mut ilinniagaqarnerminut atasumik Tuluit Nunaanni University of Kent-imi semesteri ataaseq ilinniarnissaminut taperneqarpoq.

Varna Marianne Nielsen Island-imi Reykjavikkimi Master i Arts ilinniarnissaminut taperneqarpoq.

Kalaallit angusaqarluarusussusillit arfinillit nunani allani ilinniarnissaminnut Ivalo & Minik Fonden-imit legaarinnapput. Agguaassineq katillugu 350.000 koruunit sinnilaarlugit annertussuseqarpoq.

Ivalo & Minik Fonden kingullermik agguaassigami kalaallinut, naalagaaffeqatigiinnerup avataani ilinniassallutik toqqaasimasunut legatinik 60-inik agguaassipput.

”Legatimik tunniussinerit tamaasa nuannaartarpugut. Misigisarparput, legatit tunniussagut, ilinniartut pilerigilluinnakkaminnik ilinniarnerminni pikkorissarnissaannut iluaqutaalluartartut. Pilersinneqarattali legatinik 60-ngajannik tunniussisimanerput tulluusimaarutigeqaara,” Minik Rosing oqarpoq, Ivalo & Minik Fonden-imi siulersuisuni siulittaasoq. Nangipporlu:

”Tassunga atatillugu Royal Greenland-imut, Royal Arctic Line-imut, NunaFonden-imut GrønlandsBANKEN-illu inuussutissarsiornermut aningaasaateqarfianit annertuumik qujarusuppunga, ukiut tamaasa aningaasatigut tapiisartunut, taamaasilluta legatinik agguaassisinnaalersilluta.”

Ivalo & Minik Fonden-ip siulersuisui legatinik agguaassissallutik ukiumut marloriarlutik naapittarput, Minik Rosing-ilu neriuppoq tulliani agguaassinissamut, qinnuteqarnissamut killeqartumut 15. februar 2023, amerlasuunik pitsaasunillu qinnuteqaatinik tigusinissaminnut.

Ukiaanerani legatinik tunineqartut
Linda Lyberth Kristiansen Ilisimatusarfimmi kulturimut aamma inuiaqatigiilerinermilu kandidatinngorniarnerminut ilaatillugu semesterimi ataatsimi Norgemi Arktisk Universitetimi Tromsø-miittumi atuarnissaminut legatimik tunineqarpoq.

Maria Lyberth Campus Kujallermi Adventure Guide-itut ilinniarnermini ingerlaqqissutitut ukiuni marlunni Finland-imi Kronoby folkhögskola-mi ilinniaqqinnissaminut legatimik tunineqarpoq

Ninni Jeremiassen ”environmental pollution and toxicology” Norgemi UNIS-imi (The University Centre ind Svalbard) atuagarsornissaminut, PhD-iliornermi ilaanut qulequtaqartumut: ”Long-term leaching dynamics of lead, zind and fluorine from waste rock at Ivittuut mine, South Greenland” legatimik tunineqartoq.

Pipaluk Kristensen Ilisimatusarfimmi Oqaasilerineq, Atuakkialerineq, Tusagassiuutilerinerlu pillugit Kandidatinngorniarluni ilinniarnermi ilaatut, Islands Universitet-imi semesterimi ataatsimi atuarnissaminut legatimik tunineqarpoq.

Victor Langholz USA-mi Oklahoma University-timi Business Administration ilinniarnermi ilaatut, Australiami Wollongong Universitet-imi semesterimi ataatsimi ilinniarnissaminut legatimik tunineqarpoq.

Vivi Vold USA-mi Davis-imi University of California-mi semesterit marluk ilinniarnissaminut, PhD-liornermi ilaanut atassuteqaatit sunniivigeqatigiinnerullu, ilisimatuussutsikkut misissuinermi ilisimatusarnermilu immikkuullarissumik qanoq pisoqartarnersoq Kalaallit Nunaanni ilinniagaqarnermi inuit ilisimatusarnerullu akornanni – ilinniartut ilisimatuullu akornanni.

Ivalo & Minik Fonden tamanna nuannaarutigingaakkatsinnik nalunaarutigerusupparput, martsimi siulersuisuni naapinnitsinni legatit marluk 300.000 koruunit sinnerlugit nalillit tunniukkatsigit.

Siulersuisuni siulittaasoq Mini Rosing tamanna tunngavigalugu ima oqaaseqarpoq:

”Ivalo & Minik Fonden nuannaarutigiuaannarparput ilinniartut nunarsuatta ilaannut ilinniariaqqittarnerannut ikiuussinnaagaangatta. Neriuppunga legatit ilinniartunut Kalaallit Nunaannullu iluaqutaaqqissasut.”

Ivalo & Minik Fonden nunatta avataanut ilinniariartartut 2014-miilli Kalaallinut legatit 50-it sinnilaarlugit tunniutereersimalerpai. Ivalo & Minik Fonden ukiumut aningaasaliissutinik NunaFonden, Royal Greenland A/S, Royal Arctic Line A/S aamma GrønlandsBANKEN inuussutissarsiornermut aningaasaateqarfianiit tunineqartarpoq, tamannalu tunngavigalugu legatinik tunniussisarluni.

” NunaFonden, Royal Greenland A/S, Royal Arctic Line A/S aamma GrønlandsBANKEN inuussutissarsiornermut aningaasaateqarfianiit tunniussaqarnermikkut inuiaqatigiinni akisussaqqataanerat qujamasuutigaarput. Aningaasanik tunissuteqartarsimanngikkaluarpata legatinik tunniussisarsimanavianngikkaluaratta,” Minik Rosing nassuiaavoq.

Upernaami legatinik tigusisut
Malik Koch Hansen International University of Japan-mi Inuiaqatigiilerineq ilinniariaqqiffiginerani ingerlariaqqinnissaminut legatinnappoq.

Lana Hansen Larsen Language International Campus I Seoul, Sydkorea-mi Korea-miusut ilinniarnissaminut legatinnappoq.

Qinnuteqartoqarnissaanut ammavoq
Ivalo & Minik Fonden ukiamut legatinik tunniussisarnini ingerlateqqissavaa. Qinnuteqaatit ingerlaavartumik tiguneqartarput. Qinnuteqarnissamut killigitinneqartoq tulliuvoq 1. oktober 2022.

Ivalo & Minik Fonden siulersuisui  kingullermik ataatsimiinnerminni kalaallinut, nunani allani ilinniarusuttunut legatinik sisamanik tunniussivoq. Siulersuisut iluarisimaarpaat, nunarsuaq ammariartoqqilermat.

”Nuannaarutigisorujussuuarput, qinnuteqaatinik arlalinnik tiguseqqinnerput, aammalu kalaallit angusaqarusuttut nunarsuarmut angalallutik ilinniarnissaannut ikiornissiinissamut periarfissaqaqqileratta. Uagutsinnut pingaartorujussuuvoq, nunanut allanukarnissamik sinnattunik piviusunngortitsinissamut ikiorsiisinnaanerput”, siulersuisut siulittaasuat Minik Rosing oqarpoq.

Massakkut legatinik agguaasoqarpoq 250.000 koruunit sinnilaarlugit. Legatinik agguaassineq piviusunngorsinnaasimavoq NunaFonden, Royal Greenland, Royal Arctic Line aamma GrønlandsBANKEN-ip inuussutissarsiornermut aningaasaateqarfiat aningaasanik tunisinerisigut.

Legatinik pissarsisut

Anna Biilmann legatimik pissarsivoq Ilisimatusarfimmi Oqaasilerinermi, Atuakkialerinermi, Tusagassiuutilerinermilu ilinnirnerminut atatillugu University of Maltami semester ataaseq ilinniarnissaminut.

Henriette Have legatimik pissarsivoq MF Vitenskapelige Høyskole Oslo, Norgemi teologimik ilinniaarnissaminut.

Michael Platou legatimik pissarsivoq koreamiut inuusaasiannik Pusan National Unicersity Sydkorea-mi ilinniakkami naginnissaanut.

Ululinannguaq Olsen legatimik pissaarsivoq franskisut ilinniarnissaminut CIREFE Univeresité Rennes 2 Rennes-imi Frankrigemiittumi.

Tulliani legatinik agguaassineq pissaaq upernaakkut 2022, qinnuteqarnissamut killigititaalluni 15. Februar 2022.

Inussiarnersumik inuulluaqqusilluta
Ivalo & Minik Fonden
www.imf.gl

Ivalo & Minik Fonden kalaallinut ilinniartunut nunani allani pikkorissarnissaminnut kissaateqartunut, aningaasaliisarnerminik nangitsivoq. Tamanna peqquteqarpoq, NunaFonden, Royal Greenland A/S, Royal Arctic Line A/S aamma GrønlandsBANKEN aningaasatigut tapiissuteqarnertik nangissallugu aaliangersimammata.

Ivalo & Minik Fonden-imi siulersuisuni siulittaasoq Minik Rosing tassunga atatillugu ima oqaaseqarpoq:

”Aningaassaliisutsinnit tapersersorneqarnerput nuannaarutigisorujussuuara. Aningaasaleeqqinnerat isumaqarpoq, ilinniartunut angusaqarluarniartunut,  inuiaqatigiinnut tamarmut Nunatsinnut angerlaassassaminnik nunanut allanut piginnaasaminnik qaffassaajartorlutik anglasunut, aningaasaliisarnerput nangeqqissinnaagipput”.

Ivalo & Minik Fonden 2014-imili 40-nut aningaasaliisimavoq, aningaasaliisunillu aamma suleqatigiinneq nuannaarutigineqarpoq.

Jens K. Lyberth, Royal Greenland A/S-mi Kommunikation aamma HR-mi Direktøri oqaaseqarpoq: “Tulluusimaarutigaarput, inuusuttut amerlanerit nunat assigiinngitsut akornanni ilinniagaqarnerannut peqataanermut. Tamanna inuiaqatigiitsinnut pingaartuuvoq”.

Royal Arctic Line-imi Sponsorudvalgimut siulittaasoq, Ann-Britta A. Olsvig oqaaseqarpoq:
”Royal Arctic Line-ip nuannaarutigaa inuusuttut, nunani allani ilinniagaqarnerminnut anguniagaannut tapersiisinnaagami. Ataatsimoorluta siunissami Kalaallit-Nunaanni sulisussatta ilinniagaasa qaffassarnissaat qulakkeerniassavarput.”

Kristian Lennert, GrønlandsBANKEN Inuussutissarsiornermut aningaasaateqarfiani siulittaasoq oqaaseqarpoq:
“ Ukiuni 30-vit sinnerlugit ingerlasimasumi Kalaallit-Nunaanni ilinniartitaanermut tapersersuisimavugut. Nuannaarutigaarput, tapersiinitsigut Ivalo & Minik Fonden tapersiisinnaammata, ilinniagaqartut pikkorissut nunani allani ilinniarnerminnik ilisimasanik nutaanik pissarsisinnaammata.”

Anders Olsen, NunaFonden siulersuisuini siulittaasoq oqaaseqarpoq:
”2012-imi Ivalo & Minik Fonden NunaFonden-imit pilersinneqarpoq siunertaralugu, kalaallit amerlanerusut ilinniaqqiffinni ilinniagaqartut nunarsuarmut pikkorissariarlutik angalanissaannut. Maannamut iluatsilluarsimavoq, NunaFonden-illu qilanaaraa, taanna iluatsilluarsimasoq Kalaallit Nunaanni inuiaqatigiinnut nuannaarutaasumik ingerlaannassasoq.”

Tulliani aningaasanik agguaassineq pissaaq upernaaru 2021-imi, sulilu qinnuteqartoqarsinnaavoq, qinnuteqarnissamut killigititaq unaammat 15. februar.