Ivalo & Minik Fonden legatimik angisuumik tunniussivoq

Aningaasaateqarfik Ivalo & Minik Fonden kalaallit nunanut allanut aallarlutik ilinniarnissaannut ikiornissaannik siunertaqarpoq. Ivalo & Minik Fondenimi siulersuisut legatinik ataasiakkaanut iluaqutaalluartussanik tunniussinissaq pingaartitaraa. Allatut oqaatigalugu, legatit ataasiakkaat kalaallit ilinniarnissamik sinnattui ilumut piviusunngorsinnaanerannut aalajangiisussat.

Pingaarnersiuinermilu tamanna siunertaralugu siulersuisut legatinik agguaassinermi matumani legatimik ataatsimik 300.000 koruunit sinnerlugit nalilimmik qinnuteqartumut ataatsimut tunniussiniarlutik aalajangerput. Siulersuisuni siulittaasoq Minik Rosing ima itisiliivoq:

“Sinnattut piviusunngortinnissaat peqataaffigerusuppagut, matumanilu taamaaliorluta qularutiginngilluinnarparput. Ilinniarnissarmi matumani pineqartoq aningaasaateqarfinnit assigisaannillu annertuumik tapersersorneqarnikkut aatsaat iluatsissinnaavoq,” oqarpoq nangillunilu:

“Legatit taama ittut tunniukkusoqaagut, aamma legatimik tunineqartup piginnaasat angerlaakkumaagai inuiaqatigiinnut kalaallinut naleqartupilussuussasut qularutiginngilluinnarpara.”

Legatimik tunineqartup Uiloq Mathæussenip legati Sydneymi Macquarie Universitymi Nunani tamalaani Attaveqaqatigiinneq pillugu Masterinngorniarnermut ilinniarnermut akiliutissanut Australiamilu najugaqarnermini aningaassartuutissaminut atorusuppaa. Ilinniagaq qaammatinik 18-inik sivisussuseqarpoq. Tassungalu atatillugu ima oqarpoq:

“Una ilinniarusunneranut siunertaavoq nunarsuarmut siaruarnerup, tusagassiuutit inuillu atassuteqaqatigiinnerisa itinerusumik paasisaqarfigissallugit. Ilisimasat Nunatsinni inuiaqatigiit silarsuarmi avatitsinnit pisunit sunnerneqariartuinnarnerat ilutigalugu pigissallugit pingaaruteqartut,” taama oqarpoq nangillunilu:

“Ivalo & Minik Fondenimit legatimik tunineqarnikkut taama periarfissaqalernera nuannaarutigeqaara, aamma ilinniakkap pitsaanerpaamik naammassinissaa ilungersuutigissavara. Tamatumunnga peqatigitillugu oqaatigissavara Nunatsinnut uteruma pisinnaasat piginnaasallu Australiami pigilikkama atornissaat pingaartittupilussuugakku.”

Legati Royal Arctic Line A/S-imit, Royal Greenland A/S-imit, GrønlandsBANKEN-ip Inuussutissarsiornermut aningaasaateqarfianit NunaFondenimiillu tunissutaasut tunngavigalugit aningaasalersorneqarpoq.

Ivalo & Minik Fondenip legatinik agguaassisarnini soorunami ingerlatiinnassavaa. Qinnuteqarnissamut killiliussaq tulleq tassaavoq februaarip 15-iani 2017, siulersuisullu qinnuteqaaterpassuarnik pitsaasunik nassinneqarnissartik qilanaarivaat.

Inuss. Inuull.
Ivalo & Minik Fonden
www.imf.gl

3 legatit pingasut aamma siulersuisut katitigaanerat nutaaq

Aningaasaateqarfik Ivalo & Minik-mi siulersuisut  nunani allani ilinniartunut pingasunut legatinik agguaapput. Pissarsisut tassaapput:

Hans Peder Kirkegaard legatinnappoq USA-mi ukiumi ataatsimi ilinniarnerminut atatillugu sungiusaatigalugu sulinissaminut Masterinngorniarnerminut atatillugu. Ilinniarnermut atatillugu sungiusaatialugu sulinissaq sullivinni sisamani avillugu ingerlanneqassaaq ukunani, Maine International Trade Centerimi, Rambøll-Environimi, Eimskipimi aamma  The Port of Mainemi.

Majken Djurhuus Poulsen ujarassiuujuvoq Ph.D-nngorniarnerminullu atatillugu legatinnappoq Londonimi Tuluit Nunaanni “The Gemmological Association of Great Britain” -mi atuarnissaminut atatillugu.

Melisa Larsen aasaru DTU-mi Arktisk Teknologimi bachelorinngussaaq. Legatinnappoq Minnisotami USA-,i “Master of Geographic Information Science” -mi ilinniaqqinnissaminut.

Legatit aningaasalersorneqarput aningaasaliissutit ukunaneersut tunngavigalugit Royal Arctic Line A/S, Royal Greenland A/S, GrønlandsBANKEN’s Erhvervsfond aamma NunaFonden.

Agguaaneq siulersuisuusimasut agguaanerisa kingullersaraat.  Aningaasaateqarfiup Ivalo & Minik-p malittarisassai naapertorlugit siulersuisut ukiut sisamakkaarlugit ilaasortaasarput toqqarneqaqqissinnaallutilli.

Siulersuisunngortut ukuupput:

Siulittaaoq Minik Rosing (Ilisimatusarfiup Kalaallit Nunaata Universitetiata toqqagaa)

Siulittaasup tullia Juliane Henningsen (NunaFondenip toqqagaa)

Johan Lund Olsen (NunaFondenip toqqagaa)

Christian Schønau (DKH Kronprinsparrets Hofip toqqagaa)

Mikael Kristensen (Ilinniartitaanermut Naalakkersuisoqarfiup toqqagaa)

Johan Lund Olsenip kingoraarpaa Michael Metz Mørch taava Mikael Kristenseip kingoraarpaa Palle Christiansen. Minik Rosing, Juliane Henningsen aamma Christian Schønau tamarmik ingerlaqqipput.

Aningaasaateqarfik Ivalo & Minik-p legatinik agguaasarnini nangeqqissavaa soorunami.  Tulliani qinnuteqarnissamut killiuvoq 1. oktobari 2016, tassani siulersuisunngortut assut qilanaarput qinnuteqaaterpassuarnik pissarsinissaminnut.
Inussiarnersumik inuulluaqqusillunga
Ivalo & Minik Fonden

Nunani allani ilinniaqqinnissamut legati imaluunniit Kalaallit Nunaata Danmarkillu avataani ilinniarnermut atatillugu sungiusaatigalugu sulinissamut legati

Aningaasaateqarfik Ivalo & Minik soqutiginnittunut qinnuteqarsinnaatitaasunullu kaammattuivoq legatiutitta arlaannut qinnuteqaqqusilluni.

Legatiutitsinnut siunertaavoq Kalaallit Nunaata Danmarkillu avataani iliniaqqikkusuttunut kalaallinut imaluunniit ilinniarnerminnut atatillugu sungiusaatigalugu Kalaallit Nunaata Danmarkillu avataani sulerusuttunut kalaallinut aningaasatigut tapiisarnissaq.

Qinnuteqarnermi immersugassaq aamma piumasaqaatit allat nittartakkatsinni www.imf.gl takuneqarsinnaapput.

Qinnuteqaatit Aningaasaateqarfik Ivalo & Minik –p tigoreersimassavai kingusinnerpaamik ulloq 15. februar 2016.

Agguaaneq pissaaq, legatinik pissarsisut ilinniarnerminnik imaluuunniit ilinniarnerminnut atatillugu sungiusaatigalugu sulilernissartik 2016-mi ukiakkut semesterimi aallartissinnaanngorlugit.

Apeqqutissaqaruit saaffigissavat ivalo&minik@fonden.gl

Aningaasaateqarfik Ivalo & Minik tapiissutisisarpoq NunaFondenimit, Grønlandsbankip Inuussutissarsiornermut Aningaasaateqarfianit, Royal Greenland A/S-mit aamma Royal Arctic Line A/S-mit.

Legatit milliuunip affaa sinnerlugu

Aningaasaateqafiup  Ivalo & Minik siulersuisui kingullermik ataatsimiikkami kalaallinut arfineq-marlunnut nunani allani ilinniartunut legatinik agguaapput. Legatit agguaanneqartut milliuunip affaa sinnilaarlugit aningaasartaqarput. Tamanna aningaasaateqarfiup siulersuisuini siulittaasup Minik Rosingip nuannaarutigaa.

“Neriuppunga legatiutigut aqqutaajumaartut ilinniartut piginnaaneqanerulernissaannut aamma misilittagaqarnerulernissaanut  taakkununnga Kalaallit Nunaannullu iluaqutaasumik. Neriuppunga legatinik pissarsisut tamarmik nunani allaniinnertik iluaqutissarsivigiumaaraat kingornalu Kalaallit Nunaannut uteriarunik  ilisimalikkatit Kalaallit Nunaanni atorumaaraat” oqarpoq Minik oqarpoq.

Royal Arctic Line A/S-p, Royal Greenland A/S-p, GrønlandsBANKEN’s Erhvervsfond-p  aamma NunaFondenip aningaasaleeqataassutaat Aningaasaateqarfiup Ivalo & Miniup agguaattarpai, tamannalu Minik Rosingip qujamasuutigaa.

“Atagu oqaatigiinnariarlara. Aningaasaliiffigineqanngikkutta tunniussassaqanngilagut. Taamaattumik aningaasaliisartugut qutsavigerusuppakka nunani allani ilinniartunut tapersersuinissaarput periarfissimmassuk,” naggasiivoq Minik Rosing.


Legatinik pissarsisut

Andrea Christiansen  legatinnappoq, Ilisimatusarfimmi tusagassiortunngorniarnerminut atatillugu semesteri ataaseq Canadami Vancouver Island Universitymi  ingerlanniassammagu.

Angùnguak Thomas Kleist Jepsen legatinnappoq Københavnip universitetiani ujarassiuumut ilinniarnerminut atatillugu Australiami Curtin Universitymi semestret pingasut ingerlanniassammagit.

Birthe Rasmussen Ilisimatusarfimmi peqqissaasumut ilinniarpoq. Legatimik pissarsivoq Mellemfolkeligt Samvirke aqqutigalugu Tanzaniami peqqissaasutut ilinniarnerminut atatillugu sungiusaatigalugu suliniassammat.
Hans Peder Kirkegaard legatinnappoq Nunarsuarmioqatigiit niueqatigiinnerat pillugu Masterimut  USA-mi University of South Carolinami Darla Moore School of Businessimi atuarniassammat.

Mikaela Augustussen peqqissaasutut naammassinikuuvoq aallartinnikuullugulu Ph.D-mut ilinniarnini Ilisimatuarfimmi qulequtaqartoq “Kalaallit Nunaanni Danmarkimilu kalaallinut nappaassuarmik kræftimik napparsimangaatsialereersunut nipaallisaalluni katsorsaaneq”. Tassunga atatillugu Tromsømi Norgep Arktiske Universitetiani atuarnissaminut legatimik pissarsivoq.

Mona Koch Madsen Ilisimatusarfimmi peqqissaasumut ilinniarnikuuvoq. Sverige Stockholmimi Karolinska Institutimi intensivsygeplejerskimut ilinniaqqinnissaminut legatimik pissarsivoq.
Uiloq Mathæussen Ilisimartusarfimmi Oqaatsinut, Atuakkialerinermut aamma tusagassiutinut bacheloriuvoq. Ilinniaqqinnerminut atatillugu Frankrigimi Université De Versailles St. Quentin En Yvelinesimi semesteri ataaseq atuassavaa tassunga atatillugu legatimik pissarsivoq.

Aningaasaaqarfik Ivalo & Minik soorunami legatinik tunniussuinini nangeqqissavaa. Tullianut qinnuteqarnissamut killiuvoq ulloq 15. februar 2016, tassunga atatillugu siulersuisut qinnuteqaaterpassuarnik tigusaqarnissaminnut qilanaarput.

Nunani allani ilinniaqqinnissamut legati imaluunniit Kalaallit Nunaata Danmarkillu avataani ilinniarnermut atatillugu sungiusaatigalugu sulinissamut legati

Aningaasaateqarfik Ivalo & Minik soqutiginnittunut qinnuteqarsinnaatitaasunullu kaammattuivoq legatiutitta arlaannut qinnuteqaqqusilluni.

Qinnuteqarnissamut periarfissavoq kingusinnerpaamik ulloq 1. oktober 2015, tunniussinerlu piumaarpoq legatinik pissarsisussat ilinniarnerminnik imaluunniit ilinniarnerminnut atatillugu sungiusaatigalugu sulilernissaat ulloq 1. januar 2016-mi aallartissinnaanngorlugit.

Legatiutitsinnut siunertaavoq Kalaallit Nunaata Danmarkillu avataani iliniaqqikkusuttunut kalaallinut imaluunniit ilinniarnerminnut atatillugu sungiusaatigalugu Kalaallit Nunaata Danmarkillu avataani sulerusuttunut kalaallinut aningaasatigut tapiisarnissaq.

Qinnuteqarnermi immersugassaq aamma piumasaqaatit allat nittartakkatsinni www.imf.gl-mi takuneqarsinnaapput.

Apeqqutissaqaruit saaffigissavat ivalo&minik@fonden.gl

Aningaasaateqarfik Ivalo & Minik tapiissutisisarpoq NunaFondenimit, Grønlandsbankip Inuussutissarsiornermut Aningaasaateqarfianit, Royal Greenland A/S-mit aamma Royal Arctic Line A/S-mit.

Ivalo & Minik Fonden 399.000 koruunit nalinginut legatinik agguaavoq

Aningaasaateqarfiup Ivalo & Minik Fondenip siulersuisui marsip 20-ani ataatsimiinnerminni aalajangerput legatinik arfinilinnik agguaassiniarlutik. Agguaanneqartut katillugit 399.000 koruuninik aningaasartaqarput.

“Aningaasat agguaassagut NunaFondenimit, Royal Greenlandimit, Royal Arctic Linemit GrønlandsBANKENillu Inuussutissarsiornermut aningaasaateqarfianit tunissutaapput, taamaammat inuusuttunik angusaqarluarniartunik tapersersuisinnaanitsinnut taakku pisooqataalluinnarput. Tamatumunngalu qujassuteqarfigerusuppakka,” Minik Rosing, Ivalo & Minik Fondenimi siulersuisunut siulittaasoq taama oqarpoq, imalu nangippoq:

“Legatinnattut pissarsiffiulluartumik nunani allaniinnissaat, kingornalu Nunatsinnut uterumaarnissaat aammalu ilisimasanik pissarsiarisaminnik atuilluarnissaat neriuutigaara.”

Legatinnattut
Alex Amâsa Olsen, Danmarks Tekniske Universitetimi ingeniørinngorniarnerminut atatillugu, Australiami ilisimatusarfimmi University of Queenslandimi Brisbanemiittumi semesterimi ataatsimi ilinniarnissaminut legatimik tunineqarpoq.

Ane Eva Lange, Danmarks Tekniske Universitetimi ingeniørinngorniarnerminut atatillugu, Norgemi teknikkikkut pinngortitarlu pillugu ilisimatuussutsikkut ilisimatusarfimmi Trondheimimiittumi semesterimi ataatsimi ilinniarnissaminut legatimik tunineqarpoq.

Anne Eileen Lennert Norgemi Issittumi pissutsit pillugit Ilisimatusarfimmi PhD-nngorniarluni ilinniarnerminut legatimik tunineqarpoq. Silap pissusiata allanngoriartornerata Kalaallit Nunaanni pinngortitamut piffissaq ungasinnerusoq eqqarsaatigalugu sunniutissai tassani misissuiffigissavai.

Inuuteq Storch New Yorkimi ICP-mi – International Center of Photographymi – assiliisartutut ilinniagaqarnissaminut legatimik tunineqarpoq.

Nick Bæk Heilmann Kinami Bejingimi Renmin Universitymi Kina nutaaliaasoq pillugu ilisimatusarluni kandidatinngorniarnissaminut legatimik tunineqarpoq.

Trine Jul Larsen Norgemi Issittumi pissutsit pillugit Ilisimatusarfimmi Tromsømiittumi Master of Public Healthinngorniarnissaminut legatimik tunineqarpoq.

Ivalo & Minik Fondenip legatinik agguaassisarnini soorunami ingerlatiinnassavaa. Tulliani qinnuteqarnissamut killigititaq tassaavoq oktobarip aallaqqaataa 2015, siulersuisullu qinnuteqaatinik pitsaasunik amerlasuunik pissarsinissartik qilanaarivaat.

Nunani allani ilinniaqqinnissamut legati imaluunniit Kalaallit Nunaata Danmarkillu avataani ilinniarnermut atatillugu sungiusaatigalugu sulinissamut legati

Aningaasaateqarfik Ivalo & Minik soqutiginnittunut qinnuteqarsinnaatitaasunullu kaammattuivoq legatiutitta arlaannut qinnuteqaqqusilluni.

Legatiutitsinnut siunertaavoq Kalaallit Nunaata Danmarkillu avataani iliniaqqikkusuttunut kalaallinut imaluunniit ilinniarnerminnut atatillugu sungiusaatigalugu Kalaallit Nunaata Danmarkillu avataani sulerusuttunut kalaallinut aningaasatigut tapiisarnissaq.

Qinnuteqarnermi immersugassaq aamma piumasaqaatit allat nittartakkatsinni www.imf.gl takuneqarsinnaapput.

Qinnuteqaatit Aningaasaateqarfik Ivalo & Minik –p tigoreersimassavai kingusinnerpaamik ulloq 1. marts 2015.

Agguaaneq pissaaq, legatinik pissarsisut ilinniarnerminnik imaluuunniit ilinniarnerminnut atatillugu sungiusaatigalugu sulilernissartik 2015-mi ukiakkut semesterimi aallartissinnaanngorlugit.

Apeqqutissaqaruit saaffigissavat ivalo&minik@fonden.gl

Aningaasaateqarfik Ivalo & Minik tapiissutisisarpoq NunaFondenimit, Grønlandsbankip Inuussutissarsiornermut Aningaasaateqarfianit, Royal Greenland A/S-mit aamma Royal Arctic Line A/S-mit.

Ivalo & Minik Fonden legatinik agguaavoq

Aningaasaateqarfiup Ivalo & Minik Fondenip siulersuisui septembarip 12-iani ataatsimiinnerminni legatinik sisamanik agguaapput katillugit 100.000 koruunit sinnerlugit aningaasartalinnik, 2014-imi aningaasat agguaanneqartut taamaasillutik katillugit 450.000 koruunit missaanniilerput.

“Aningaasat agguaassagut NunaFondenimit, Royal Greenlandimit, Royal Arctic Linemit aamma GrønlandsBANKENip Inuussutissarsiornermut aningaasaateqarfianit tunissutaapput, taamaammat inuusuttunik angusaqarluarniartunik tapersersuisinnaanitsinnut taakku pisooqataalluinnarput. Tamatumunngalu qujassuteqarfigerusuppakka,” Minik Rosing, Ivalo & Minik Fondenimi siulersuisut siulittaasoq taama oqarpoq. Nangipporlu:

“Legatinnattut pissarsiffiulluartumik nunani allaniinnissaat, kingornalu Nunatsinnut uterumaarnissaat aammalu ilisimasanik pissarsiarisaminnik atuilluarnissaat neriuutigaa.”

Legatinik pissarsisut
Aviaaja Birkholm Professionshøjskolen Metropolimi ernisussiortutut ilinniarnerminut atatillugu Balimi ernisarfimmi sungiusaatigalugu sulinissaminut legatimik tunineqarpoq.

Kathrine Naaja Rasmussen Københavns Universitetimi nakorsanngorniarnerminut atatillugu Bergenimi (Norge) Universitetshospitalimi sungiusaatigalugu sulinissaminut legatimik tunineqarpoq.

Qivioq Kern Kreutzmann Danmarkimi suliffeqarfinnik aallartisaasut pillugit aaqqissuussinermut “Iværksættere i udlandet” peqataasussatut toqqagaanerminut atatillugu San Franciscomi sungiusaatigalugu sulinissaminut legatimik tunineqarpoq.

Anna Sørensen Københavns Universitetimi Institut for Medier, Erkendelse og Formidlingimi ilinniarnerminut atatillugu nunat tamalaat suliniaqatigiiffianni assigisaaniluunniit inaarutaasumik sungiusaatigalugu sulinissaminut legatimik tunineqarpoq.

Ivalo & Minik Fondenip legatinik agguaassisarnini soorunami ingerlatiinnassavaa. Tulliani qinnuteqarnissamut killigititaq tassaavoq marsip aallaqqaataa 2015, siulersuisullu qinnuteqaatinik pitsaasunik amerlasuunik pissarsinissartik qilanaarivaat.

Pingaarnertut tunissuteqartartut ukiunik pingasunik sivitsuipput

Aningaasaateqarfimmut pingaarnertut tunissuteqartartut – NunaFonden, Royal Greenland, Royal Arctic Line aamma GrønlandsBANKENip Inuussutissarsiornermut Aningaasaateqarfiata 2017 ilanngullugu tapiissuteqartarnissaminnik sivitsuineranni, Ivalo & Minik Fondenimut atsiussat Kunngikkormiutut Ataqqinassusilik Prinsesse Josephine Sophia Ivalo Mathilda aamma Kunngikkormiutut Ataqqinassusilik Prins Vincent Frederik Minik Alexander, angajoqqaatik Kunngissakkut peqatigalugit najuupput.

Kunngikkormiut Nunatsinnut aasaanerani angalanerannut atatillugu Ilisimatusarfimmi aggustip arfineq-pingajuani ilassinninnermi tamanna pivoq.

Ilassinninnermi isumaqatigiissutinillu nutaanik atsioqatigiissuteqarnermi assilisat ataani takuneqarsinnaapput. Assiliisartup Leiff Josefsenip assit tamaasa assilisarai, akuersiteqqaarnagulu kopeeqqusaanngillat allanullu atatillugu atoqqusaanatik.

Foto: Leiff Josefsen Box 7034, 3905 Nuussuaq. Tlf.: +299 552710 E-mail: leiff@sermitsiaq.ag

Kunngissakkut ilassinninnermut tikiupput

 

Foto: Leiff Josefsen Box 7034, 3905 Nuussuaq. Tlf.: +299 552710 E-mail: leiff@sermitsiaq.ag

Ivalo & Minik Fondenimut isumaqatigiissutit 2017-ip tungaanut sivitsorneqarnissaannik pingaarnertut tunissuteqartartut piareersarneranni Prinsesse Josephine Sophia Ivalo Mathilda malinnaasoq. Saamiatungaanit talerpiatungaanut takuneqarsinnaapput Jens Andersen (Royal Arctic Linep pisortaanera), Eva Pryds (GrønlandsBANKENip Inuussutissarsiornermut Aningaasaateqarfiani allatsi), Malik Hegelund Olsen (Royal Greenlandimi pisortap tullia) aamma Olga Poulsen Berthelsen (NunaFondenip siulersuisuinut ilaasortaq)

 

_0D47409.NEF

Jens Andersen (Royal Arctic Linep pisortaanera), Eva Pryds (GrønlandsBANKENip Inuussutissarsiornermut Aningaasaateqarfiani allatsi), Malik Hegelund Olsen (Royal Greenlandimi pisortap tullia) aamma Olga Poulsen Berthelsen (NunaFondenip siulersuisuinut ilaasortaq) isumaqatigiissummik nutaamik atsioqatigiittut.

 

_0D47443.NEF

Saamiatungaanit talerpiatungaanut takuneqarsinnaapput Aviâja Egede Lynge (legatinnattoq), Eva Pryds, Jens Andersen, Kunngissaq Frederik, Prinsesse Ivalo, Kunngissap nulia Mary, Prins Minik, Olga Poulsen Berthelsen aamma Malik Hegelund Olsen.

Nunani allani ilinniaqqinnissamut legati imaluunniit Kalaallit Nunaata Danmarkillu avataani ilinniarnermut atatillugu sungiusaatigalugu sulinissamut legati

Aningaasaateqarfik Ivalo & Minik soqutiginnittunut qinnuteqarsinnaatitaasunullu kaammattuivoq legatiutitta arlaannut qinnuteqaqqusilluni.

Qinnuteqarnissamut periarfissavoq kingusinnerpaamik ulloq 1. september 2014, tunniussinerlu piumaarpoq legatinik pissarsisussat ilinniarnerminnik imaluunniit ilinniarnerminnut atatillugu sungiusaatigalugu sulilernissaat ulloq 1. januar 2015-mi aallartissinnaanngorlugit.

Legatiutitsinnut siunertaavoq Kalaallit Nunaata Danmarkillu avataani iliniaqqikkusuttunut kalaallinut imaluunniit ilinniarnerminnut atatillugu sungiusaatigalugu Kalaallit Nunaata Danmarkillu avataani sulerusuttunut kalaallinut aningaasatigut tapiisarnissaq.

Qinnuteqarnermi immersugassaq aamma piumasaqaatit allat nittartakkatsinni www.imf.gl-mi takuneqarsinnaapput.

Apeqqutissaqaruit saaffigissavat ivalo&minik@fonden.gl

Aningaasaateqarfik Ivalo & Minik tapiissutisisarpoq NunaFondenimit, Grønlandsbankip Inuussutissarsiornermut Aningaasaateqarfianit, Royal Greenland A/S-mit aamma Royal Arctic Line A/S-mit.