Aningaasaateqarfiup Ivalo & Minik siulersuisui ukiup affakkaartumik martsimi ataatsimiinnerminni aalajangerput legatinik sisamanik katillugit 300.000 koruunit sinnerlugit aningaasartalinnik tunniussiniarlutik. Legatit qularnaareqataapput ilinniartut nunani allani ilinniarusullutik takorluugaasa piviusunngortinnissaannut. Legatit tamakkiisumik aningaasalersorneqarput tunissutinit ukunanngaanneersunik  Royal Arctic Line A/S, Royal Greenland A/S, GrønlandsBANKEN’s Erhvervsfond aama NunaFonden.

Siulersuisut siulittaasuat Minik Rosing tunniussinermut atatillugu ima oqapoq:

” Aningaasaliisartugut nersualaarusuppakka aningaasaliinermikkut inuiaqatigiinnut akisussaaqataanertik takutimmassuk. Aningaasaliissuteqartanngitsuuppata Aningaasaateqarfik Ivalo & Minik legatinik tunniussaqartarsinnaanavianngikkaluarpoq taamaasillunilu inuusuttut takorluugaat piviusunngortinneqarsinnaasarsimassanngikkaluarput aamma aappaatigut Kalaallit Nunaat ilinniarluarsimanerusunik innuttaqarsimassanngikkaluarpoq. Taamaattumik uanga isumaga naapertorlugu tamatta inuiaqatigiillu ataatsimut isigalugit iluaqutissinneqarpugut”.

Aningaasaateqarfik Ivalo & Minik 2014-mili ilinniartunut katillugit 40-nut legatinik tunniussaqartarnikuuvoq.

Upernaaq manna legatinik pissarsisut
Michael El-Madani Platou legatimik pissarsivoq Sydkoreami Pusan National Univeritymi koreami pissutsit pillugit masterinngorniarnissaminut.

Minik Bidstrup Petersen legatimik pissarsivoq ICP-mi– International Center of Photography i New Yorkimi- assiliineq ilisimatusarfigissallugu.

Sussi Jensen legatimik pissarsiavoq kandidatinngorniarnissaminut Torontomi Translationa Studiesimi York Universitymi Torontomi Canadamiittumi.

Lisa Ivalu Lind Jensen legatinnappoq Master i Master in Public Health Program på University of New South Wales i Sydney, Australiamiittumi,  masterinngorniarnissaminut.

Aningaasaateqarfik Ivalo & Minik ingerlatiinnassavaa legatinik agguaasarnini. Tulliani qinnuteqarnissamut killiuvoq 1. oktobari 2019, tassunga atatillugu siulersuisut qilanaarput qinnuteqaaterpassuarnik takunissaminnut.

Inussiarnersumik inuulluaqqusilluta
Ivalo & Minik Fonden
www.imf.gl

Aningaasaateqarfik Ivalo & Minik soqutiginnittunut qinnuteqarsinnaatitaasunullu kaammattuivoq legatiutitta arlaannut qinnuteqaqqusilluni.

Legatiutitsinnut siunertaavoq Kalaallit Nunaata Danmarkillu avataani iliniaqqikkusuttunut kalaallinut imaluunniit ilinniarnerminnut atatillugu sungiusaatigalugu Kalaallit Nunaata Danmarkillu avataani sulerusuttunut kalaallinut aningaasatigut tapiisarnissaq.

Qinnuteqarnermi immersugassaq aamma piumasaqaatit allat nittartakkatsinni www.imf.gl takuneqarsinnaapput.

Qinnuteqaatit Aningaasaateqarfik Ivalo & Minik –p tigoreersimassavai kingusinnerpaamik ulloq 15. februar 2019.

Agguaaneq pissaaq, legatinik pissarsisut ilinniarnerminnik imaluuunniit ilinniarnerminnut atatillugu sungiusaatigalugu sulilernissartik 2019-mi ukiakkut semesterimi aallartissinnaanngorlugit.

Apeqqutissaqaruit saaffigissavat ivalo&minik@fonden.gl

Aningaasaateqarfik Ivalo & Minik tapiissutisisarpoq NunaFondenimit, Grønlandsbankip Inuussutissarsiornermut Aningaasaateqarfianit, Royal Greenland A/S-mit aamma Royal Arctic Line A/S-mit.

Ivalo & Minik Fondenimi siulersuisut marsip qaammataani ukiup affakkuutaartumik ataatsimiinnerminni legatinik pingasunik 300.000 koruunit sinnilaarlugit naleqartunik agguaassiniarlutik aalajangerput. Legatit tunniunneqartut ilinniagaqartut pingasut nunani allani ilinniarnissaminnik takorluugaasa eqquutsinnissaannik qulakkeerinneqataassapput. Legatit Royal Arctic Line A/S-imit, Royal Greenland A/S-imit, GrønlandsBANKEN-ip Inuussutissarsiornermut aningaasaateqarfianit NunaFondenimillu tunissutit tunngavigalugit 100 procentimik aningaasalersugaapput.

Siulersuisuni siulittaasoq Minik Rosing tamatumunnga atatillugu ima oqarpoq:

“Kalaallit Nunaata, nunat allat assigalugit, inuit ilinniarluarsimasut pisariaqartilluinnarpai, taamaammat nuannaarutigaara uagut Ivalo & Minik Fondenimi legatinik agguaassisarnitsigut tamatumunnga aqqutissiueqataanissamut periarfissaqaratta. Tassungalu atatillugu uatsinnut tunissuteqartut qutsavigerusuppakka – taakku tunissuteqarnermikkut – Kalaallit Nunaanni ilinniartitaanikkut qaffassaaqataanermikkut inuiaqatigiinni akisussaaqataanerminnik annertuumik takutitsimmata.”

Upernaaq manna legatinnattut
Frederik Bork Jansen DTU-mi teknikkimut tunngasumik ilisimatuussutsikkut ilinniarnerminut atatillugu Australiami Monash Universitymi masterinngorniarnermini semesterimi ataatsimi ilinniarnissaminut legatinnappoq.

Inga Hansen nunap inoqqaavi pillugit tusagassiorneq pillugu Norgemi Sami Universitetimi masterinngorniarnerminut legatinnappoq.

Winnie Filemonsen nutserisutut oqalutsitullu Ilisimatusarfimmi ilinniagaqarnerminut atatillugu USA-mi North Carolinami Duke Universitymi semesterimi ataatsimi ilinniarnissaminut legatinnappoq.

Ivalo & Minik Fondenip legatinik agguaassisarnini soorunami ingerlatiinnassavaa. Tulliani qinnuteqarnissamut killigititaq tassaavoq oktobarip aallaqqaataani 2018, siulersuisullu qinnuteqaatinik pitsaasunik amerlasuunik tigusaqarnissartik qilanaarivaat.

Inuss. Inuull.
Ivalo & Minik Fonden
www.imf.gl

Aningaasaateqarfik Ivalo & Minik soqutiginnittunut qinnuteqarsinnaatitaasunullu kaammattuivoq legatiutitta arlaannut qinnuteqaqqusilluni.

Legatiutitsinnut siunertaavoq Kalaallit Nunaata Danmarkillu avataani iliniaqqikkusuttunut kalaallinut imaluunniit ilinniarnerminnut atatillugu sungiusaatigalugu Kalaallit Nunaata Danmarkillu avataani sulerusuttunut kalaallinut aningaasatigut tapiisarnissaq.

Qinnuteqarnermi immersugassaq aamma piumasaqaatit allat nittartakkatsinni www.imf.gl takuneqarsinnaapput.

Qinnuteqaatit Aningaasaateqarfik Ivalo & Minik –p tigoreersimassavai kingusinnerpaamik ulloq 15. februar 2018.

Agguaaneq pissaaq, legatinik pissarsisut ilinniarnerminnik imaluuunniit ilinniarnerminnut atatillugu sungiusaatigalugu sulilernissartik 2018-mi ukiakkut semesterimi aallartissinnaanngorlugit.

Apeqqutissaqaruit saaffigissavat ivalo&minik@fonden.gl

Aningaasaateqarfik Ivalo & Minik tapiissutisisarpoq NunaFondenimit, Grønlandsbankip Inuussutissarsiornermut Aningaasaateqarfianit, Royal Greenland A/S-mit aamma Royal Arctic Line A/S-mit.

Royal Arctic Line A/S, Royal Greenland A/S, GrønlandsBANKEN-ip Inuussutissarsiornermut aningaasaateqarfia aamma NunaFonden, Ivalo & Minik Fondenip tapersersornera ingerlatiinnarniarlugu tamarmik aalajangerput. Isumaqatigiissutit nutaat ukiunut 2018-2020-mut atuupput, Ivalo & Minik Fondenilu taamaalilluni kalaallinut Kalaallit Nunaata Danmarkillu avataanni ilinniaqqinnissamik kissaateqartunut legatinik agguaassisarnini ingerlatiinnarsinnaavaa.

Ivalo & Minik Fondenip kalaallinut takorluukkatik piviusunngortikkumallugit nunani allani ilinniarsimasunut legatit 25-nit amerlanerusut 2014-imiilli tunniuppai. Tamannalu Royal Arctic Line A/S-ip, Royal Greenland A/S-ip, GrønlandsBANKEN-ip Inuussutissarsiornermut aningaasaateqarfiata NunaFondenillu ukiumoortumik aningaasatigut tapiissuteqartarnerisigut aatsaat pisinnaasimavoq.

“Legatinik tunineqartut amerlanersaat piginnaasanik imminnut inuiaqatigiinnullu iluaqutaasunik

pigisaqalersimallutik Kalaallit Nunaannut utertut takusarpagut. Tamannalu tulluusimaarutigaarput. Akeqanngitsuunngilarli. Nunanimi allani ilinniagaqarneq akisuupilussuusarpoq. Taamaammat NunaFondenip, GrønlandsBANKEN-ip Inuussutissarsiornermut aningaasaateqarfiata, Royal Greenland A/S-ip Royal Arctic Line A/S-illu inuiaqatigiinni kalaallini piginnaasanik annertusaanermut ukiumoortumik aningaasatigut tapiissuteqartarnerat aningaasaateqarfiup Ivalo & Minik Fondenip qujamasuutigisupilussuuaa. Aamma ukiuni 2018-imit 2020-imut tapiissuteqartarnermik ingerlatiinnarnissaanik tamarmik aalajangersimanerat nuannaarutigeqaarput,” siulersuisuni siulittaasoq Minik Rosing taama oqarpoq.

Legatinnattut Italiamut, Vietnamimut Japanimullu ilinniariassapput

Ivalo & Minik Fondenip siulersuisui novembarip qaammataani ataatsimiinnerminni ukiaq manna legatit agguaappaat, legatinnattunut pikkorissunut ukununnga tunniunneqartut:

Tukumminnguaq Jakobsen Italiami Milanomi Istituto Marangonimi atisanik ilusilersuisartutut ilinniaqqinnissaminut legatimik tunineqarpoq.

Ivaana Olsen Aalborgip Universitetiani tuluit oqaasiinik nunanullu allanut tunngasunik ilinniarnerminut atatillugu Japanimi Akita International Universitymi semesterimi ataatsimi ilinniarnissaminut legatimik tunineqarpoq.

Maalia Lynge Christiansen Aalborgip Universitetiani oqaatsinik nunanullu allanut tunngasunik ilinniarnerminut atatillugu Vietnamimi Workbook Softwaremi sungiusaatigalugu sulinissaminut legatimik tunineqarpoq.
Royal Arctic Line A/S-ip, Royal Greenland A/S-ip, GrønlandsBANKEN-ip Inuussutissarsiornermut aningaasaateqarfiata NunaFondenillu aningaasatigut tapiissuteqarnissamik nutaanik isumaqatigiissuteqarfiginerisigut Ivalo & Minik Fondenip legatinik agguaassisarnini ingerlatiinnarsinnaavaa. Qinnuteqarfissaq tulleq 2018-imi februaarip 15-ianut killeqarpoq.

Aningaasaateqarfimmi Ivalo & Minik Fondenimi siulersuisut marsip qaammataani ukiup affakkuutaartumik ataatsimiinnerminni aalajangerput legatinik pingasunik 280.000 koruunit nalinginut agguaassiniarlutik.

Siulersuisut siulittaasuat Minik Rosing tassunga atatillugu ima oqarpoq:

“Takorluukkat piviusunngortinnissaannut aningaasaateqarfik Ivalo & Minik Fonden aqqutissiueqataarusuppoq. Nunatsinni aamma/imaluunniit Danmarkimi avatangiisit toqqissisimanartut sungiusimasallu qimallugit kalaallit piginnaasanik nutaanik pissarserusuttut aningaasatigut tapersersornissaannik siunertaqarluni aningaasaateqarfik pilersinneqarpoq. Legatinik agguaassinermi matumani New Zealandimut, Malaysiamut Italiamullu aallartussanut legatinik tunniussiniarluta aalajangerpugut. Legatinnattut piginnaasarpassuarnik inuiaqatigiit ineriartorteqqinnissaannut atorneqarsinnaasunik nassarlutik Nunatsinnut uternissaat neriuutigaarput.”

Legatinnattut aningaasaateqarfiup nittartagaani www.imf.gl-imi takuneqarsinnaapput.

Legatit Royal Arctic Line A/S-imit, Royal Greenland A/S-imit, GrønlandsBANKEN-ip Inuussutissarsiornermut aningaasaateqarfianit NunaFondenimiillu tunissutaasut tunngavigalugit aningaasalersugaapput.

Ivalo & Minik Fondenip legatinik agguaassisarnini soorunami ingerlatiinnassavaa. Qinnuteqarfissaq tulleq 2017-imi oktobarip aallaqqaataanut killeqarpoq, siulersuisullu qinnuteqaatinik pitsaasorpassuarnik pissarsinissartik qilanaarivaat.

Paasissutissanik amerlanerusunik pissarserusukkaanni siulersuisut siulittaasuat Minik Rosing attavigineqarsinnaavoq oqarasuaatikkut +45 51 50 60 68.

Inuss. Inuull.
Ivalo & Minik Fonden
www.imf.gl

Aningaasaateqarfik Ivalo & Minik Fonden kalaallit nunanut allanut aallarlutik ilinniarnissaannut ikiornissaannik siunertaqarpoq. Ivalo & Minik Fondenimi siulersuisut legatinik ataasiakkaanut iluaqutaalluartussanik tunniussinissaq pingaartitaraa. Allatut oqaatigalugu, legatit ataasiakkaat kalaallit ilinniarnissamik sinnattui ilumut piviusunngorsinnaanerannut aalajangiisussat.

Pingaarnersiuinermilu tamanna siunertaralugu siulersuisut legatinik agguaassinermi matumani legatimik ataatsimik 300.000 koruunit sinnerlugit nalilimmik qinnuteqartumut ataatsimut tunniussiniarlutik aalajangerput. Siulersuisuni siulittaasoq Minik Rosing ima itisiliivoq:

“Sinnattut piviusunngortinnissaat peqataaffigerusuppagut, matumanilu taamaaliorluta qularutiginngilluinnarparput. Ilinniarnissarmi matumani pineqartoq aningaasaateqarfinnit assigisaannillu annertuumik tapersersorneqarnikkut aatsaat iluatsissinnaavoq,” oqarpoq nangillunilu:

“Legatit taama ittut tunniukkusoqaagut, aamma legatimik tunineqartup piginnaasat angerlaakkumaagai inuiaqatigiinnut kalaallinut naleqartupilussuussasut qularutiginngilluinnarpara.”

Legatimik tunineqartup Uiloq Mathæussenip legati Sydneymi Macquarie Universitymi Nunani tamalaani Attaveqaqatigiinneq pillugu Masterinngorniarnermut ilinniarnermut akiliutissanut Australiamilu najugaqarnermini aningaassartuutissaminut atorusuppaa. Ilinniagaq qaammatinik 18-inik sivisussuseqarpoq. Tassungalu atatillugu ima oqarpoq:

“Una ilinniarusunneranut siunertaavoq nunarsuarmut siaruarnerup, tusagassiuutit inuillu atassuteqaqatigiinnerisa itinerusumik paasisaqarfigissallugit. Ilisimasat Nunatsinni inuiaqatigiit silarsuarmi avatitsinnit pisunit sunnerneqariartuinnarnerat ilutigalugu pigissallugit pingaaruteqartut,” taama oqarpoq nangillunilu:

“Ivalo & Minik Fondenimit legatimik tunineqarnikkut taama periarfissaqalernera nuannaarutigeqaara, aamma ilinniakkap pitsaanerpaamik naammassinissaa ilungersuutigissavara. Tamatumunnga peqatigitillugu oqaatigissavara Nunatsinnut uteruma pisinnaasat piginnaasallu Australiami pigilikkama atornissaat pingaartittupilussuugakku.”

Legati Royal Arctic Line A/S-imit, Royal Greenland A/S-imit, GrønlandsBANKEN-ip Inuussutissarsiornermut aningaasaateqarfianit NunaFondenimiillu tunissutaasut tunngavigalugit aningaasalersorneqarpoq.

Ivalo & Minik Fondenip legatinik agguaassisarnini soorunami ingerlatiinnassavaa. Qinnuteqarnissamut killiliussaq tulleq tassaavoq februaarip 15-iani 2017, siulersuisullu qinnuteqaaterpassuarnik pitsaasunik nassinneqarnissartik qilanaarivaat.

Inuss. Inuull.
Ivalo & Minik Fonden
www.imf.gl

Aningaasaateqarfik Ivalo & Minik-mi siulersuisut  nunani allani ilinniartunut pingasunut legatinik agguaapput. Pissarsisut tassaapput:

Hans Peder Kirkegaard legatinnappoq USA-mi ukiumi ataatsimi ilinniarnerminut atatillugu sungiusaatigalugu sulinissaminut Masterinngorniarnerminut atatillugu. Ilinniarnermut atatillugu sungiusaatialugu sulinissaq sullivinni sisamani avillugu ingerlanneqassaaq ukunani, Maine International Trade Centerimi, Rambøll-Environimi, Eimskipimi aamma  The Port of Mainemi.

Majken Djurhuus Poulsen ujarassiuujuvoq Ph.D-nngorniarnerminullu atatillugu legatinnappoq Londonimi Tuluit Nunaanni “The Gemmological Association of Great Britain” -mi atuarnissaminut atatillugu.

Melisa Larsen aasaru DTU-mi Arktisk Teknologimi bachelorinngussaaq. Legatinnappoq Minnisotami USA-,i “Master of Geographic Information Science” -mi ilinniaqqinnissaminut.

Legatit aningaasalersorneqarput aningaasaliissutit ukunaneersut tunngavigalugit Royal Arctic Line A/S, Royal Greenland A/S, GrønlandsBANKEN’s Erhvervsfond aamma NunaFonden.

Agguaaneq siulersuisuusimasut agguaanerisa kingullersaraat.  Aningaasaateqarfiup Ivalo & Minik-p malittarisassai naapertorlugit siulersuisut ukiut sisamakkaarlugit ilaasortaasarput toqqarneqaqqissinnaallutilli.

Siulersuisunngortut ukuupput:

Siulittaaoq Minik Rosing (Ilisimatusarfiup Kalaallit Nunaata Universitetiata toqqagaa)

Siulittaasup tullia Juliane Henningsen (NunaFondenip toqqagaa)

Johan Lund Olsen (NunaFondenip toqqagaa)

Christian Schønau (DKH Kronprinsparrets Hofip toqqagaa)

Mikael Kristensen (Ilinniartitaanermut Naalakkersuisoqarfiup toqqagaa)

Johan Lund Olsenip kingoraarpaa Michael Metz Mørch taava Mikael Kristenseip kingoraarpaa Palle Christiansen. Minik Rosing, Juliane Henningsen aamma Christian Schønau tamarmik ingerlaqqipput.

Aningaasaateqarfik Ivalo & Minik-p legatinik agguaasarnini nangeqqissavaa soorunami.  Tulliani qinnuteqarnissamut killiuvoq 1. oktobari 2016, tassani siulersuisunngortut assut qilanaarput qinnuteqaaterpassuarnik pissarsinissaminnut.
Inussiarnersumik inuulluaqqusillunga
Ivalo & Minik Fonden

Aningaasaateqarfik Ivalo & Minik soqutiginnittunut qinnuteqarsinnaatitaasunullu kaammattuivoq legatiutitta arlaannut qinnuteqaqqusilluni.

Legatiutitsinnut siunertaavoq Kalaallit Nunaata Danmarkillu avataani iliniaqqikkusuttunut kalaallinut imaluunniit ilinniarnerminnut atatillugu sungiusaatigalugu Kalaallit Nunaata Danmarkillu avataani sulerusuttunut kalaallinut aningaasatigut tapiisarnissaq.

Qinnuteqarnermi immersugassaq aamma piumasaqaatit allat nittartakkatsinni www.imf.gl takuneqarsinnaapput.

Qinnuteqaatit Aningaasaateqarfik Ivalo & Minik –p tigoreersimassavai kingusinnerpaamik ulloq 15. februar 2016.

Agguaaneq pissaaq, legatinik pissarsisut ilinniarnerminnik imaluuunniit ilinniarnerminnut atatillugu sungiusaatigalugu sulilernissartik 2016-mi ukiakkut semesterimi aallartissinnaanngorlugit.

Apeqqutissaqaruit saaffigissavat ivalo&minik@fonden.gl

Aningaasaateqarfik Ivalo & Minik tapiissutisisarpoq NunaFondenimit, Grønlandsbankip Inuussutissarsiornermut Aningaasaateqarfianit, Royal Greenland A/S-mit aamma Royal Arctic Line A/S-mit.

Aningaasaateqafiup  Ivalo & Minik siulersuisui kingullermik ataatsimiikkami kalaallinut arfineq-marlunnut nunani allani ilinniartunut legatinik agguaapput. Legatit agguaanneqartut milliuunip affaa sinnilaarlugit aningaasartaqarput. Tamanna aningaasaateqarfiup siulersuisuini siulittaasup Minik Rosingip nuannaarutigaa.

“Neriuppunga legatiutigut aqqutaajumaartut ilinniartut piginnaaneqanerulernissaannut aamma misilittagaqarnerulernissaanut  taakkununnga Kalaallit Nunaannullu iluaqutaasumik. Neriuppunga legatinik pissarsisut tamarmik nunani allaniinnertik iluaqutissarsivigiumaaraat kingornalu Kalaallit Nunaannut uteriarunik  ilisimalikkatit Kalaallit Nunaanni atorumaaraat” oqarpoq Minik oqarpoq.

Royal Arctic Line A/S-p, Royal Greenland A/S-p, GrønlandsBANKEN’s Erhvervsfond-p  aamma NunaFondenip aningaasaleeqataassutaat Aningaasaateqarfiup Ivalo & Miniup agguaattarpai, tamannalu Minik Rosingip qujamasuutigaa.

“Atagu oqaatigiinnariarlara. Aningaasaliiffigineqanngikkutta tunniussassaqanngilagut. Taamaattumik aningaasaliisartugut qutsavigerusuppakka nunani allani ilinniartunut tapersersuinissaarput periarfissimmassuk,” naggasiivoq Minik Rosing.

Legatinik pissarsisut

Andrea Christiansen  legatinnappoq, Ilisimatusarfimmi tusagassiortunngorniarnerminut atatillugu semesteri ataaseq Canadami Vancouver Island Universitymi  ingerlanniassammagu.

Angùnguak Thomas Kleist Jepsen legatinnappoq Københavnip universitetiani ujarassiuumut ilinniarnerminut atatillugu Australiami Curtin Universitymi semestret pingasut ingerlanniassammagit.

Birthe Rasmussen Ilisimatusarfimmi peqqissaasumut ilinniarpoq. Legatimik pissarsivoq Mellemfolkeligt Samvirke aqqutigalugu Tanzaniami peqqissaasutut ilinniarnerminut atatillugu sungiusaatigalugu suliniassammat.
Hans Peder Kirkegaard legatinnappoq Nunarsuarmioqatigiit niueqatigiinnerat pillugu Masterimut  USA-mi University of South Carolinami Darla Moore School of Businessimi atuarniassammat.

Mikaela Augustussen peqqissaasutut naammassinikuuvoq aallartinnikuullugulu Ph.D-mut ilinniarnini Ilisimatuarfimmi qulequtaqartoq “Kalaallit Nunaanni Danmarkimilu kalaallinut nappaassuarmik kræftimik napparsimangaatsialereersunut nipaallisaalluni katsorsaaneq”. Tassunga atatillugu Tromsømi Norgep Arktiske Universitetiani atuarnissaminut legatimik pissarsivoq.

Mona Koch Madsen Ilisimatusarfimmi peqqissaasumut ilinniarnikuuvoq. Sverige Stockholmimi Karolinska Institutimi intensivsygeplejerskimut ilinniaqqinnissaminut legatimik pissarsivoq.
Uiloq Mathæussen Ilisimartusarfimmi Oqaatsinut, Atuakkialerinermut aamma tusagassiutinut bacheloriuvoq. Ilinniaqqinnerminut atatillugu Frankrigimi Université De Versailles St. Quentin En Yvelinesimi semesteri ataaseq atuassavaa tassunga atatillugu legatimik pissarsivoq.

Aningaasaaqarfik Ivalo & Minik soorunami legatinik tunniussuinini nangeqqissavaa. Tullianut qinnuteqarnissamut killiuvoq ulloq 15. februar 2016, tassunga atatillugu siulersuisut qinnuteqaaterpassuarnik tigusaqarnissaminnut qilanaarput.